陳通記

Open Now

Now Closed

入長洲之前，已經搜索一番睇下到底有冇值得試嘅餐廳結果搵到夠晒地道嘅陳通記——————————————————由於星期日，周圍都係等緊枱嘅客人我哋一行二人都等咗一陣。有枱之後，有比較年輕嘅男夥計，見到暫時未有人幫忙收枱，都馬上放低自己食緊嘅午餐，幫忙收拾，非常感激。而且仲好有禮貌，食大排檔，竟然遇到有禮貌嘅員工，其實真係覺得好驚喜。馬上落單之後，我哋試咗沙嗲牛通粉，以及沙嗲肥牛雪菜肉絲米線，以及奶醬西多士。——————————————————沙嗲牛通粉沙嗲湯底味濃郁，非常好味，好耐冇試過喺香港食到咁足料湯底，通粉夠滑，軟硬適中，每一條伴隨住熱辣辣沙嗲湯，入口真係好好味。——————————————————沙嗲肥牛雪菜肉絲米粉湯底同上面咁好味，雪菜肉絲及肥牛份量都好多，好足料，不過相比起，原來配通粉仲好味。——————————————————奶醬西多士炸到金黃色，上碟已經流晒口水，奶醬份量啱啱好，雖然好邪惡，但係真係好好食。—————————————————其實好日唔入去長洲，所以真係想食啲值得試嘅餐廳，而唔係求其填飽肚。而且店入邊大部份員工都有禮貌，樂意幫忙，顛覆咗我對大排檔嘅固定印象，