PABLO Modern Mexican Cocina (Closed)

好耐無食墨西哥菜，見到有人推介呢間尖沙咀新開嘅墨西哥菜餐廳，同行朋友食完一致覺得好正，仲想一去再去呢！當日點咗3款咸食都好出色，環境都好有情調啊！Hamachi Ceviche平時蟹肉或蝦配牛油果就見得多，今次係油甘魚配搭更有驚喜，油甘魚切粒同青瓜、洋蔥同埋牛油醬撈埋一齊，食落酸酸辣辣好開胃，當然要擺上nacho度一齊食，咁先有風味。呢度有好多款taco，而我地就點咗Tacos De Barbacoa，羊肉連埋啲BBQ sauce幾惹味，整體都值得一試。Chicken Alambre係我地最愛，雞肉上面鋪上滿滿芝士，烤雞烤得剛剛好亦幾入味，下面嘅椒、洋蔥都好甜，不容錯過嘅item！呢道菜仲會配上Flour Tortilla，墨西哥薄餅帶彈性唔會太厚，夾住芝士烤雞食一流。當然要試試佢地嘅cocktail，咁多款入面Elderflower Sour最吸引我，用上gin去調配熱情果味同接骨木花味道好平衡，兩者味道都突出。仲嗌咗枝墨西哥啤酒Corona，加入檸檬飲落更清涼，不知不覺就飲晒。常見嘅甜品Churros但每次見到都必點，蘸埋朱古力醬真係絕配，肉桂味都好香。