囍公館 (Closed)

西九龍呢間餐廳既環境好好，喺落地玻璃望出去係一片綠油油嘅草地同埋維多利亞港。呢日約左屋企人黎西九龍郊遊，我地行到攰，就黎左呢度嘆返個靚tea。打開餐牌，見到呢度既選擇都幾多。我哋點咗小小楊梅、盆栽小蘿蔔、彩虹鮮蝦餃，點心賣相精緻。小小楊梅食落去外脆內軟，入面煙煙韌韌，口感好好。盆栽小蘿蔔原來係蘿蔔酥，望落去真係超靚，外層酥脆，入面係切得好幼細既蘿蔔絲。最後仲有皮薄餡靚既彩虹鮮蝦餃。配埋紅酒白酒別有一番風味。