Video
Read full review
2025-02-03
199 views
約左朋友仔聚聚就當然要搵間特別嘅餐廳，所以就去左尖沙咀超有書卷味嘅The Wall Street Bar & Lounge食個Brunch邊吹水啦！餐廳佈置非常別緻，充滿歐洲古典風格，既有特色bar枱之外，仲有古典書架嘅擺設，感覺就好似入左間古典書房，勁多打卡位俾我地盡情影。見佢地個Brunch Set都真係幾抵，百幾蚊就有前菜、餐湯、主菜同餐飲，咁我地就每人叫左一份。先嚟餐飲就分別叫左生果茶同埋菠蘿汁。餐湯就係蕃茄湯，蕃茄味好濃郁，酸酸甜甜非常開胃，而配上香脆鬆軟嘅麵包沾食都唔錯。前菜我地就係煙三文魚風乾火腿拼盤，兩大主角加上新鮮嘅沙拉菜，入口都非常清新，簡簡單單配搭都好美味。我嘅主菜就係香煎澳洲羊架，羊架我選擇左七成熟，所以外皮微脆，內層嘅肉幼嫩， 食入口啖啖肉，Juicy得嚟又帶有點點羊騷香味，真心覺得唔錯。好友就嚟一客香煎紐西蘭牛扒，牛扒都非常厚身，七成熟入口非常Juicy，而且牛味香濃之餘肉質都非常軟熟煎得好香口，不用醮醬都已經可以食得好滿足。雖然我地食左兩個Brunch都已經好飽，但又當可以唔嚟返個甜品呢。先嚟一份冰火朱古力軟餅，朱古力軟餅上面加雪糕球，再以鐵板送上，店員還
餐廳佈置非常別緻，充滿歐洲古典風格，既有特色bar枱之外，仲有古典書架嘅擺設，感覺就好似入左間古典書房，勁多打卡位俾我地盡情影。
見佢地個Brunch Set都真係幾抵，百幾蚊就有前菜、餐湯、主菜同餐飲，咁我地就每人叫左一份。
先嚟餐飲就分別叫左生果茶同埋菠蘿汁。
餐湯就係蕃茄湯，蕃茄味好濃郁，酸酸甜甜非常開胃，而配上香脆鬆軟嘅麵包沾食都唔錯。
前菜我地就係煙三文魚風乾火腿拼盤，兩大主角加上新鮮嘅沙拉菜，入口都非常清新，簡簡單單配搭都好美味。
我嘅主菜就係香煎澳洲羊架，羊架我選擇左七成熟，所以外皮微脆，內層嘅肉幼嫩， 食入口啖啖肉，Juicy得嚟又帶有點點羊騷香味，真心覺得唔錯。
好友就嚟一客香煎紐西蘭牛扒，牛扒都非常厚身，七成熟入口非常Juicy，而且牛味香濃之餘肉質都非常軟熟煎得好香口，不用醮醬都已經可以食得好滿足。
雖然我地食左兩個Brunch都已經好飽，但又當可以唔嚟返個甜品呢。
先嚟一份冰火朱古力軟餅，朱古力軟餅上面加雪糕球，再以鐵板送上，店員還會為我地即席淋上cream ，絕對係吸睛之選。朱古力軟餅外脆內軟，再食埋個雪糕球，又凍又熱嘅口感，入口非常刺激，大愛呀！
另一份就係蕃薯焦糖燉蛋，燉蛋表面鋪上一層微燻金黃嘅焦糖，下層就係滑溜嘅焦糖燉蛋，最底層就鋪滿軟綿綿嘅蕃薯蓉，口感豐富得嚟甜度適中，唔錯哦。
Post
