Video
Read full review
2022-07-17
812 views
之前已經試過lunch，今晚放工需要relax一下，呢度環境好岩傾下計，所以放工就同同事黎呢度飲下野，順便食埋飯。頭盤沙律 頭盤係蕃茄沙律，原個蕃茄好鮮甜，再配埋酸酸甜甜沙律汁，好開胃。梅水晶 呢款前菜好特別，將雞軟骨同魚軟骨用酸梅醃製，咬落爽脆，但梅味香濃，鍾意食酸酸甜甜既一定要叫。龍蝦 見住師傅係魚缸將原隻龍蝦撈上黎，再將隻龍蝦開邊，加上海膽汁拎去燒，燒完之後變成金黃色，新鮮既龍蝦果然肉質彈牙，海膽汁好鮮甜。明太子御好燒 御好燒一上檯已經好香，店員提醒一定要趁熱食，仲有我最愛既明太子加埋落去，口感好豐富，仲可以自由加入紫菜或薑。日本原隻活帆立貝 帆立貝好大粒，亦好厚身，加入香蒜同蔥，更能夠帶出帆立貝既鮮味。璣煮鮑魚鮑魚口感爽脆，彈牙。黑松露香草牛油焗雜菌 將黑松露同牛油加入去雜菌一齊焗，好香好惹味，食落清得黎又會有濃濃既黑松露味。天婦羅魷魚鬚 平時椒鹽魷魚鬚就食得多，今次食天婦羅魷魚鬚都一樣咁好食，天婦羅粉漿夠薄，炸到外脆內軟，口感非常彈牙。心UP呢款冇酒精飲品最適合打卡，有舊心型冰係上面，入面有莓、薄荷葉、檸檬、綠茶同蜜糖，係好適合夏天既飲品。日本蛋卷有幾款味道揀，我揀左提子同檸
之前已經試過lunch，今晚放工需要relax一下，呢度環境好岩傾下計，所以放工就同同事黎呢度飲下野，順便食埋飯。
頭盤沙律
頭盤係蕃茄沙律，原個蕃茄好鮮甜，再配埋酸酸甜甜沙律汁，好開胃。
梅水晶
呢款前菜好特別，將雞軟骨同魚軟骨用酸梅醃製，咬落爽脆，但梅味香濃，鍾意食酸酸甜甜既一定要叫。
龍蝦
見住師傅係魚缸將原隻龍蝦撈上黎，再將隻龍蝦開邊，加上海膽汁拎去燒，燒完之後變成金黃色，新鮮既龍蝦果然肉質彈牙，海膽汁好鮮甜。
明太子御好燒
御好燒一上檯已經好香，店員提醒一定要趁熱食，仲有我最愛既明太子加埋落去，口感好豐富，仲可以自由加入紫菜或薑。
日本原隻活帆立貝
帆立貝好大粒，亦好厚身，加入香蒜同蔥，更能夠帶出帆立貝既鮮味。
璣煮鮑魚
鮑魚口感爽脆，彈牙。
黑松露香草牛油焗雜菌
將黑松露同牛油加入去雜菌一齊焗，好香好惹味，食落清得黎又會有濃濃既黑松露味。
天婦羅魷魚鬚
平時椒鹽魷魚鬚就食得多，今次食天婦羅魷魚鬚都一樣咁好食，天婦羅粉漿夠薄，炸到外脆內軟，口感非常彈牙。
心UP
呢款冇酒精飲品最適合打卡，有舊心型冰係上面，入面有莓、薄荷葉、檸檬、綠茶同蜜糖，係好適合夏天既飲品。
日本蛋卷
有幾款味道揀，我揀左提子同檸檬海鹽，兩款味都好食，唔會太甜，口感軟滑，入口即溶。
Post
