斑蘭

Open Now

Now Closed

嚟到圓方，呢間餐廳環境都幾別緻，淡色嘅設計，加上中庭嘅棕櫚樹做裝飾，好有夏日風情，因為我早食飯，店員就安排咗我去坐卡位，位置都幾闊落，坐得都幾舒適。💚蛋黃醬單骨雞翼炸到好香脆嘅單骨雞翼，加上少少嘅蛋黃醬，好惹味，味道就唔辣嘅，所以大人細路都啱食。💚串燒豬腩肉+雞肉串燒豬腩肉肉質嫩滑，白肉位置比較酥脆，而雞肉都採用咗雞胸嘅位置，肉質都嫩滑，配上特製醬汁，酸酸辣辣幾惹味。💚原隻菠蘿焗飯菠焗表面有好多海鮮同芝士，青口、顯、蝦、魷魚都有，原隻菠蘿嘅焗飯入邊仲有啲菠蘿粒，估唔到同芝士都幾夾。💚海鹽雪糕伴粟米脆脆鹹鹹地嘅海鹽雪糕，上面有啲朱古力醬同粟米脆脆，食落有啲口感。食評總結：餐廳環境好舒服，食物質素唔錯，見到有套餐都幾多嘢食，最啱約埋朋友一路吹水一路食飯啦。