斑蘭

Open Now

Now Closed

斑蘭今日要介紹喺圓方商場水區入面有一間新加坡菜餐廳叫「斑蘭」，一入到去每個店員都用好親切嘅笑容迎接每一位食客，會問你想坐邊度，我即刻講方便你哋就得，下午茶時段都算爆場，我等咗唔夠五分鐘就已經可以入座，佢哋有一個套餐價錢都算幾親民，就係A+B+C只需要$98，簡單嚟講即係小食+主食+飲品，而且味道都算好正宗新加坡菜味道，大家如果經過圓方商場不妨試下啦！1.自家製腐乳蛋黃醬單骨牛油雞翼（4件）+新加坡大蝦喇沙摻摻+即磨咖啡$98（9.5/10）首先小食我就揀咗單骨牛油雞翼，呢個雞翼炸得好脆身，見到「牛油」呢兩個字唔好以為好油，完全炸得唔油膩，單骨雞翼食落又方便，正！主食就揀咗新加坡大蝦喇沙摻摻，湯底好正宗，又濃又香，唔會太辣，配料有2隻肉質彈牙鮮甜大蝦、3舊吸哂湯底嘅豆卜同4隻蜆，份量都算多，超正！飲品就揀咗即磨咖啡，唔會好苦，仲有就係比食客自己落糖！2.香茅烤雞肉串燒（2串）+招牌無骨海南雞 配油香飯+桔仔話梅水$98（9/10）首先小食我就揀咗2串香茅烤雞肉串燒，雞肉串燒唔會燒到肉質乾柴，雞肉肉質嫩滑，但係有少少咸，如果味道調較返好少少就好正啦！主食就揀咗招牌無骨海南雞飯-配油香飯，仲

今日去做學校義工幫手睇住同學仔～參觀完之後我就冇跟車返去…走去呀哥公司附近約佢去食嘢🤩佢帶我食好西😃食物下午茶餐A+B+C=$98 😆腐乳蛋黃醬單骨牛油雞翼呢個真心推介！真係堅好食🤤脆脆嘅雞翼一點上腐乳醬～～少少咸又creamy嘅質感…幸福到暈🫶🏻我哋係share黎食～職員行過見到😅佢就好快俾多2隻碟我哋啲碟真係好靚💕炒貴刁有少辣～但好惹味！最欣賞係佢個腸仔，油份高又好Juicy！喇沙摻摻好足料！有2隻大蝦，4隻峴🫶🏻啲豆卜好入味～佢個辣同椰奶香非常之濃！水果冰茶呢個好好味～荔枝角紅茶！一路食麵一路要飲凍嘢😂青檸梳打串燒拼盤真係必食🔥荔枝燒帶子！好鮮甜😃好驚喜香茅雞串又好惹味黑毛豬腩肉嘅肉質鮮嫩～脂肪脆脆香口😆其他呢到嘅裝修都好打卡able~野又好食😋所以teatime都會坐full…不過個場夠大，我哋都係等咗5分鐘左右，非常之快！

今日有朋友生日，聽朋友介紹呢間新餐廳好好食，而且環境都好好，咁就一於嚟試吓啦。呢間餐廳嘅環境非常優雅同舒適，店內嘅氣氛令人感到放鬆。同朋友一齊黎呢度食飯，真係一個絕佳嘅選擇。當晚我哋點咗幾道特別嘅菜式，每一道都帶畀我哋唔同嘅驚喜。首先，登場嘅係「泰北青咖喱軟殼蟹」，呢道菜色香味俱全，咖喱嘅香料味道濃郁，但唔會過重，完美地襯托出蟹肉嘅鮮甜。軟殼蟹嘅外皮非常酥脆，咬落去嘅時候仲保持住蟹肉嘅鮮嫩，多重口感交融喺一齊，真係一大享受。接住上菜嘅係意大利飯，米粒煮得非常恰到好處，每一口都能夠感受到米粒嘅香氣同韌性。同時，飯中加咗啲海鮮配料，令到整道菜更加豐富同美味。嚴格來講，呢道菜無咩特別突出嘅地方，但係整體味道仍然令人滿意。我地仲點咗一道較為特別嘅「越式香茅烤豬頸肉」，呢道菜帶有濃郁嘅香茅味，豬頸肉煮得非常嫩滑，每一口都充滿咗香氣同汁液。配合啲蔬菜一齊食，令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色，價格亦合理。無論係朋友聚會定係家庭聚餐，都係一個唔錯嘅選擇。如果你鍾意品嚐唔同風味嘅美食，呢度真係唔可以錯過呀，我下次都一定會再嚟食呀。

好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆，滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵，口感好豐富炒得乾身又夠穫氣，醬汁咸咸甜甜帶少少辣，開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭，又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾，入口不會好甜膩味道好豐富，幸福感滿滿嘅甜品 ~~** 以上分享是以我的口味、體質和情況作出分享及感受，一試 / 合用與否請自行決定

咁大個女第一次去圓方 呢個商場又大又難認路好彩媽媽👩🏻去過帶路 如果唔系史努比呢個路痴自己嘅話9成9會蕩失路🤣我哋去咗間食星馬菜嘅餐廳喺得呢啲高級嘅商場果然價錢都唔平🥴所以我哋都冇嗌太多嘢~👌🏿自家手打泰式五彩蝦餅(3件) $126賣相好靚 表面佈滿五彩星星 非常打卡able🤭雖然件數唔多 但佢好大舊好有重量炸得好香脆 唔會話好淋油👍🏿蝦餅都好彈牙 但好可惜欠奉蝦味食落比較似魚蛋嘅味道 只有淡淡嘅蝦味😮‍💨就咁食就真系好普通不過點咗一款辣辣地嘅醬汁之後味道明顯有所提升即刻惹味咗 同埋好似令佢嘅弱點冇咁明顯😂味道: 6.5/10 (媽媽👩🏻比7分)性價比: 5.5/10👌🏿北海道帶子刺身配青檸蜂蜜香草汁 $136可能因為史努比本身對佢都有啲期望 所以出到嚟只系普通水準就令人有啲失望~師傅刀功好好 帶子切得好薄😂食落口感欠佳之如 帶子亦冇鮮甜味同日式嘅刺身帶子有啲出入 口感似西式嘅半熟帶子多啲🤔調味唔太均勻 只有中間嘅部分有蜜糖味同埋都食唔出有香草嘅味道🥴唧少少青檸汁系會清新啲嘅 本身應該系個幾好嘅前菜 但佢用料好一般 呢個價錢唔值~味道: 6/10性價比: 5/10👍🏿63度慢煮香烤原條

好少Element 餐廳會下午茶時份排隊，食過一次終於知點解，因為真係抵食！ 下午茶有齊小食，主菜同飲品，係一個午餐嘅份量啊！ 前菜叫咗自家製蛋黃醬單骨雞翼同越式牛油果醬配蕃茄莎莎都好食，雞翼同多士焗到脆卜卜又5油膩😋另外加嘅串燒都係$2x /串，豬頸肉串燒仲好juicy 添呢😋 主菜叫左大蝦喇沙慘慘同埋肉骨茶，大蝦喇沙入邊嘅所有配料都有兩份，可以同friend share食。肉骨茶一嚟到隔籬枱都覺得個份量好大，仲問我哋係咩嚟㖭啊😂 肉骨茶真係好適合冬天食。餐飲仲配暖笠笠桂圓紅棗茶同話梅柑桔，好滿足嘅一餐！ ꧁☬小編食左咩☬꧂✅ 自家製蛋黃醬單骨雞翼✅ 越式牛油果醬配蕃茄莎莎✅ 豬頸肉串燒✅ 大蝦喇沙慘慘✅ 肉骨茶✅桂圓紅棗茶✅話梅柑桔(◔◡◔) ♥️ 人均傷害💰：~ $100♥️

餐廳服務質素好好，有禮貌。餐廳裝修非常漂亮，座位十分舒適。而且每枱座位都有私人度，十分優質。我和朋友叫左：-清萊原個菠蘿海鮮焗意大利飯豐富海鮮🦞。焗飯吸收了海鮮鮮美，並且菠蘿酸甜平衡了整體的口感，讓人感到清新又不膩。-有機紅菜頸花菜搭配非常健康，花菜清脆和紅菜頭配合增添了口感層次感。藍莓焦糖燉蛋，我未試過用藍莓🫐配燉蛋，好特別。藍莓酸甜與焦糖出色地配合。鮮芒果布丁椰汁斑蘭粉首先芒果整得好靚，好似花。我一見到就已經比它外觀吸引🤩。椰汁🥥不太甜，好清新的甜品，内有布甸🍮。十分推薦這個甜品The restaurant's service quality is excellent and very courteous. The decor is beautiful, and the seating is very comfortable. Each table has a sense of privacy, making it quite premium.My friends and I ordered:- Chiang Rai PineappleBaked Risotto w/ Seafoo

圓方嘅《斑蘭，地方濶落，坐得很舒服。最近，還增添了不少聖誕裝飾，好有節日氣氛！✨️北海道帶子刺身配青檸蜂蜜香草汁 $136薄切嘅帶子晶瑩剔透，上面中心鋪滿明太子 和 黃色花瓣， 攞盆美麗，非常吸睛。食落口味道鮮美，清新開胃。✨️黑毛豬腩肉 $28一串有3件豬腩肉，肥瘦均勻，肉質嫩滑，完全冇渣，超正！✨️越式香茅雞肉串 $28茅香四溢，燒到蕉香，汥埋附上嘅青檸放去，解腻又添鮮味。✨️白飯 $32米飯雖大大粒，質地軟腍易吞。📍圓方

又到聖誕節，梗係去西九海濱長廊睇聖誕樹啦。仲有免費嘅展覽睇啊。之前去西九長廊多數會喺尖沙咀食完嘢先過去，因為覺得圓方啲嘢只係好貴唔好食。但係服務員態度親切要先讚一讚！而家真係唔係太多間食肆做到呢樣嘢。今次比我搵到間抵食又好食嘅下午茶。Tea set有ABC嘅選擇，因為我哋之後未必咁早食嘢，所以就揀晒ABC三項，包括一個前菜，一個主食同埋一杯嘢飲。其中一個餐要咗牛油雞翼，主菜要咗無骨海南雞飯，同埋一杯青檸梳打。另一個餐要咗個春卷，肉骨茶，吉仔話梅水！2個小食都好好食，勁香口！雖然係下午茶，煮食嘅份量絕不遜色。兩個都配咗油飯，我哋係全部消枱食晒。海南雞雞嘅份量超充足，肉骨茶個胡椒味好香，而且有三大舊骨！下午茶可以另外加一個甜品，我就用$46加咗一個藍莓焦糖燉蛋！ 呢個甜品真係超好味，好食過平時去coffee shop入邊食到嘅燉蛋？😍好似我咁大食嘅人一定要加返個甜品先夠圓滿！

去完西九喺Elements 既班蘭食星馬菜，以Marina Bay 既概念加白色色調，裝潢幾靚！ Starter 點了芫荽牛油果醬鮮蝦越南濱海脆餅賣相好靚味道清新，蝦肉鮮甜，配上香滑牛油果醬，上面仲有食用花！ 🥑🦐 脆餅口感好好，食落去好香脆超過癮！泰北冬蔭功南瓜海鮮意大利飯，冬蔭功味道濃郁，又有層次，南瓜帶點甜味，配上大虎蝦、扇貝、青口等海鮮，成個配搭好豐富！最後甜品伯爵忌廉牛角包窩夫伴藍莓雪糕，真係甜點中的完美組合！Croffle 焗得酥香可口，搭配藍莓雲尼拿雪糕，口感超級豐富，真係食到停唔到！🧇🍦

我今日放工後，約同好友去位於九龍柯士甸道西1號Elements圓方水區1樓1044-1045號舖的斑蘭食晚餐，環境舒適，坐得舒服。我點左個 Penang Fried Kway Teow with Shrimp 檳城古法大蝦炒貴刁 $228，好友點左個Chiang Rai Pineapple Baked Risotto with Seafood 清萊原個菠蘿海鮮焗意大利飯 $238。檳城古法大蝦炒貴刁有隻烤得香脆的大蝦，貴刁中亦有魷魚圈等配料，味道可口好味；清萊原個菠蘿海鮮焗意大利飯賣相繽紛，伴碟係一條烤菠蘿，海鮮豐富好味，意大利飯軟綿好食。

圓方的東南亞風味餐廳「斑蘭」，環境設計以東南亞風格為主，色彩繽紛，充滿熱帶氣息，讓人感受到濃厚的異國情懷。餐廳內部的裝飾融合了木質元素和綠色植物，營造出舒適而放鬆的用餐氛圍。清萊原個菠蘿海鮮焗意大利飯，用原隻菠蘿呈上，米飯吸收了海鮮的鮮味，菠蘿好香甜，口感非常濕潤！泰北青咖喱酥脆軟殼蟹伴煎檬粉，青咖喱賣相好靚，濃郁的青咖喱微辣，軟殼蟹金黃酥脆。伴有煎檬粉，口感就好似係炒米餅咁。越式香茅雞肉串，香茅的清香與雞肉的鮮嫩完美結合，唔洗點醬已經好香口惹味。

位於圓方既星馬菜餐廳店內裝修簡約舒服座位亦寬敞而下午茶套餐 性價比不錯🌟自家製腐乳蛋黃醬單骨雞翼雞翼炸得好酥脆 帶腐肉既鹹香加長味道清新蛋黃醬 中和左油膩感而且單骨方便食🌟泰式酸辣鳳爪鳳爪口感爽脆味道刺激帶甜,酸,辣味食落非常開胃😋🌟河內生牛肉湯河湯底濃郁鮮甜 有九層塔香味 河粉滑溜亦吸收哂湯既精華半熟粉嫩既生牛肉 肉質鮮嫩牛味亦濃👍🏻🌟檳城古法大蝦炒貴刁炒得夠鑊氣 帶微辣香口蝦肉新鮮彈牙 仲有臘腸 💯🌟黑毛豬腩肉另外嗌左串燒豬腩肉肥瘦均勻燒得好香口蘸埋秘製醬汁食更正🌟水果冰茶,青檸梳打另外跟餐仲有埋飲品可以揀

坐落於圓方嘅斑蘭Pandan Asian Fusion Bistro, 主打馬新加坡/馬來西亞Fusion菜, 裝修優雅時尚, 座位寬敞, , 開放式的酒吧, 放上不同的酒及酒杯, 十分型格, 店內好像有兩顆椰樹在餐廳中間, 別具一格, 真的好像去了旅遊, 好有放假嘅感覺, 店員十分有禮貌-泰皇生蝦刺身 $128.0蝦身肉質爽口彈牙, 配上廚師特別調配的青檸汁, 微微辣味, 清甜可口, 十分醒胃, 果然是一度開胃菜-蟹粉蟹肉香辣香葉辣肉碎伴脆脆球 $148.0勁多蟹粉及蟹肉, 蟹肉鮮甜, 香脆的脆脆球放滿了肉碎, 豬肉碎肉嫩又多汁, 肥瘦均勻, 肉味豐富，肉汁帶甜，加上香葉, 有陣陣香葉香氣，非常開胃，再加上無論賣相或味道都一流啊-香芒天婦羅軟殼蟹米紙卷 $128.0米紙卷不過硬亦不過軟, 十分煙韌, 真係好考大廚的功力, 香芒鮮甜, 紫蘇葉. 紅蘿蔔絲, 爽脆的生菜, 及軟殼蟹天婦羅, 軟殼蟹酥脆, 一啖咬落去有不同層次及味道豐富, 配上香甜的芒果汁, 十分清新, 值得推介-海鹽雪糕粟米脆脆 $56.0雪糕球顏色好美麗, 鹹甜交雜, 十分有趣整體每一道菜嘅擺盤, 顏色都十分美麗,

晚上去左圓方呢間新加坡馬來菜餐廳，餐廳裝潢幾靚，座位寬闊。首先叫左兩份串燒。越式香茅雞肉串同蜜糖烤菠蘿，越式香茅雞肉串烤得有炭香味，雞肉配左啲開胃醬汁，增添辣味。蜜糖烤菠蘿一開切左一件件，烤菠蘿好多汁。小食另外叫左越式香茅烤豬頸肉，豬頸肉夾左啲油脂，肉質有咬口。最後叫左清萊菠蘿海鮮焗意大利飯，海鮮有青口、蜆、海蝦等等，海蝦肉質幾彈牙，焗意大利飯夾住菠蘿汁嘅香味，意大利飯較濕潤。意大利飯都會配左件烤菠蘿。整體食物味道正常。