斑蘭

Open Now

Now Closed

今日有朋友生日，聽朋友介紹呢間新餐廳好好食，而且環境都好好，咁就一於嚟試吓啦。呢間餐廳嘅環境非常優雅同舒適，店內嘅氣氛令人感到放鬆。同朋友一齊黎呢度食飯，真係一個絕佳嘅選擇。當晚我哋點咗幾道特別嘅菜式，每一道都帶畀我哋唔同嘅驚喜。首先，登場嘅係「泰北青咖喱軟殼蟹」，呢道菜色香味俱全，咖喱嘅香料味道濃郁，但唔會過重，完美地襯托出蟹肉嘅鮮甜。軟殼蟹嘅外皮非常酥脆，咬落去嘅時候仲保持住蟹肉嘅鮮嫩，多重口感交融喺一齊，真係一大享受。接住上菜嘅係意大利飯，米粒煮得非常恰到好處，每一口都能夠感受到米粒嘅香氣同韌性。同時，飯中加咗啲海鮮配料，令到整道菜更加豐富同美味。嚴格來講，呢道菜無咩特別突出嘅地方，但係整體味道仍然令人滿意。我地仲點咗一道較為特別嘅「越式香茅烤豬頸肉」，呢道菜帶有濃郁嘅香茅味，豬頸肉煮得非常嫩滑，每一口都充滿咗香氣同汁液。配合啲蔬菜一齊食，令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色，價格亦合理。無論係朋友聚會定係家庭聚餐，都係一個唔錯嘅選擇。如果你鍾意品嚐唔同風味嘅美食，呢度真係唔可以錯過呀，我下次都一定會再嚟食呀。

好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆，滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵，口感好豐富炒得乾身又夠穫氣，醬汁咸咸甜甜帶少少辣，開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭，又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾，入口不會好甜膩味道好豐富，幸福感滿滿嘅甜品 ~~** 以上分享是以我的口味、體質和情況作出分享及感受，一試 / 合用與否請自行決定

咁大個女第一次去圓方 呢個商場又大又難認路好彩媽媽👩🏻去過帶路 如果唔系史努比呢個路痴自己嘅話9成9會蕩失路🤣我哋去咗間食星馬菜嘅餐廳喺得呢啲高級嘅商場果然價錢都唔平🥴所以我哋都冇嗌太多嘢~👌🏿自家手打泰式五彩蝦餅(3件) $126賣相好靚 表面佈滿五彩星星 非常打卡able🤭雖然件數唔多 但佢好大舊好有重量炸得好香脆 唔會話好淋油👍🏿蝦餅都好彈牙 但好可惜欠奉蝦味食落比較似魚蛋嘅味道 只有淡淡嘅蝦味😮‍💨就咁食就真系好普通不過點咗一款辣辣地嘅醬汁之後味道明顯有所提升即刻惹味咗 同埋好似令佢嘅弱點冇咁明顯😂味道: 6.5/10 (媽媽👩🏻比7分)性價比: 5.5/10👌🏿北海道帶子刺身配青檸蜂蜜香草汁 $136可能因為史努比本身對佢都有啲期望 所以出到嚟只系普通水準就令人有啲失望~師傅刀功好好 帶子切得好薄😂食落口感欠佳之如 帶子亦冇鮮甜味同日式嘅刺身帶子有啲出入 口感似西式嘅半熟帶子多啲🤔調味唔太均勻 只有中間嘅部分有蜜糖味同埋都食唔出有香草嘅味道🥴唧少少青檸汁系會清新啲嘅 本身應該系個幾好嘅前菜 但佢用料好一般 呢個價錢唔值~味道: 6/10性價比: 5/10👍🏿63度慢煮香烤原條

圓方商場入面呢間「班蘭」🇸🇬主打新派創意星馬菜，出品令我好有驚喜🤩，而且裝修令人感覺新潮有格調😎，佢個二人餐可以食到佢哋多款嘅🏅招牌菜，豐富又美味！個餐包兩杯🍷餐酒或者水果冰茶，今日嘅🍹水果冰茶係荔枝冰茶，唔會太甜感覺好清新🤤。鮮拆🦀蟹肉牛油果沙律🥗配手工米紙脆片極之鮮味，鮮拆蟹肉同埋🥑牛油果搭配得恰到好處👍，再加埋手工米紙脆片🫓，一啖一口卜卜脆，十分之開胃😋！呢度嘅🇸🇬星加坡鹹蛋黃魚皮絕對驚艷到我，啲🐟魚皮好鬆脆又充滿魚鮮味，每一塊都沾滿濃郁嘅🥚鹹蛋黃醬，鹹香鮮甜同時喺口腔內徘徊😍真係好好味！自家手打🇹🇭泰式五彩蝦餅沾上唔少彩色嘅✴️星形脆脆，色彩繽紛又大大增加佢嘅🤩香脆度，外脆內軟蝦味🦐十足。海膽醬三文魚籽🟠帶子意大利麵🍝入口有好香濃嘅椰子味🥥，彈牙意粉配上鮮甜嘅帶子、🥰三文魚籽同埋海膽醬，🤤滋味滿滿回味無窮！伯爵忌廉🥐牛角包窩夫伴藍莓雪糕賣相精美😍，香脆嘅牛角包窩夫上面係滿滿清香☺️嘅伯爵茶味忌廉，配埋酸甜嘅🫐藍莓醬雪糕🍨一齊食甜而不膩，係呢餐👍完美嘅結尾！

今日來到 Elements 依間 "Pandan Asian Fusion Bistro"，環境好亞熱帶風情，配合它的新加坡美食。斑蘭以孔雀開屏為主題，加上牆壁既湖水綠的花花圖案，充滿度假風情的設計，環境舒適，令人放鬆！Tea Set 有3組選擇 : A+B = $88、B+C=$88 及 A+B+C=$98，款式有海南雞油飯、摻摻、肉骨茶、椰漿飯、湯河、炒貴叼等，跟餐飲品可選即磨咖啡、桂圓紅棗茶、青檸梳打、水果冰茶及桔仔話梅水。自家製腐乳蛋黃醬單骨牛油雞翼              呢樣邪惡小食，令人無法抗拒！單骨雞翼食起來方便，炸至金黃色，非常酥脆，點上自家製腐乳蛋黃醬，食到停唔到口。香茅烤雞肉串燒雞串啖啖肉，嫩滑有肉汁，香料味散發出來，串燒有水準，配搭青檸汁及沾上特製醬汁更惹味。新加坡大蝦喇沙摻摻               摻摻有兩種粉麵加埋一齊，油麵+米粉，食落又好夾，材料有大蝦、蜆、芽菜，蝦好爽口，蜆肉鮮甜，豆卜吸入喇沙湯，帶陣陣椰香味，食起來少少辣，但越食越滋味。無骨海南雞喇沙摻摻雞肉好嫩，皮薄爽滑，雞肉味道濃郁並去咗骨，配搭椰味濃的喇沙湯底，口感層次豐富，滋味無比。青檸

晚上去左圓方呢間新加坡馬來菜餐廳，餐廳裝潢幾靚，座位寬闊。首先叫左兩份串燒。越式香茅雞肉串同蜜糖烤菠蘿，越式香茅雞肉串烤得有炭香味，雞肉配左啲開胃醬汁，增添辣味。蜜糖烤菠蘿一開切左一件件，烤菠蘿好多汁。小食另外叫左越式香茅烤豬頸肉，豬頸肉夾左啲油脂，肉質有咬口。最後叫左清萊菠蘿海鮮焗意大利飯，海鮮有青口、蜆、海蝦等等，海蝦肉質幾彈牙，焗意大利飯夾住菠蘿汁嘅香味，意大利飯較濕潤。意大利飯都會配左件烤菠蘿。整體食物味道正常。

早排同朋友去 ELEMENTS 睇戲，諗住搵個地方食下午茶，最後揀咗斑蘭 🦚 佢哋嘅 Tea Set 有小食、主食，仲有嘢飲！餐牌選擇多，有海南雞飯、喇沙摻摻、肉骨茶、青檸梳打… 啱晒唔同口味嘅朋友 😋 我哋嗌咗腐乳蛋黃醬單骨雞翼 🦴 同越南傳統炸春卷做頭盤，雞翼一啲都唔細隻，炸到外脆內嫩，再蘸埋自家製嘅腐乳蛋黃醬，啖啖肉 🍗🤤 春卷皮好薄，裡面有豬肉碎、粉絲同紅蘿蔔絲，加埋生菜一齊食，爽脆又唔油膩 🥬 主食就揀咗新加坡娘惹大蝦喇沙摻摻 🍜 個湯底味道濃郁，微辣帶啲椰香，配埋油麵、米粉再加新鮮大蝦同蜆仔，#好食！另外巴東牛肉斑蘭飯嘅牛肉夠腍又入味，仲有花生、脆魚仔、醃青瓜同流心蛋，味道豐富！斑蘭飯雖然味道清淡啲，但配埋個脆皮雞卷都搭夠返 🍛🥥 食咗咁多發覺仲食得落甜品 😅 藍莓焦糖燉蛋軟滑，面頭脆薄嘅焦糖再加埋原粒藍莓同藍莓醬，飽晒 🫐 佢哋嘅特色飲品酸甜嘅桔仔話梅水 🍊 除咗有一整粒嘅桔仔同話梅，仲加咗柑桔蜜，就算得熱飲一樣咁好味 👍🏻 而水果冰茶就有唔少新鮮菠蘿粒，食到咁飽可以幫忙消化~~ 😆🍍 

係西九做完嘢去返九龍站上蓋嘅圓方搵食😙見到呢間星馬菜專門店人氣頗旺，決定試試。圓方唔少餐廳嘅價位都比較高，咁啱2點鐘係下午茶時間，呢度嘅下午茶餐就好抵食🤑$98就有小食、主食、飲品，份量都幾大。下午茶餐 $98🍗自家製腐乳蛋黃醬單骨牛油雞翼好香口好脆卜卜，juicy嘅雞翼沾上腐乳醬，味道濃郁又唔錯😋🍢香茅烤雞肉串燒雞肉都燒得幾香口，香茅味幾香，唔會太乾😚🍜無骨海南雞喇沙摻摻喇沙湯底嘅椰汁味幾香，少少辣😛😛摻摻份量頗多好索湯。不過雞肉味道稍淡，質感亦唔夠嫩滑。🍲檳城古法大蝦炒貴刁份量十足，貴刁屬於比較煙韌嘅質感每條都入晒甜甜地嘅醬油味，味道唔錯😋大蝦好大隻。☕️青檸梳打、咖啡推介指數（10分為滿分）：7.5分

是日早收工，估唔到係Elements 都有抵食下午茶，$100內就有A+B+C，快食之選！環境餐牌套餐比單點確係抵好多，而下午茶真係最抵食，又可以避開多人嘅時間。 A. 越式牛油果醬法包配蕃茄莎莎（2件） 簡單開胃前菜，法包烘得好脆，牛油果蕃茄莎莎再多啲份量就更正😆 B.娘惹傳統斑蘭椰漿飯（巴東牛肉，脆皮雞卷) 擺盤吸引打卡，椰漿飯配料有青瓜粒、醃蘿蔔、花生、脆魚仔、鹵溏心蛋，椰漿飯香氣及味道十足，同配料撈埋食亦可以，巴東牛肉屬帶半筋嘅部位，濃味道，而脆皮雞卷帶皮脂都幾嫩滑，如果可以額外跟醬汁就無咁dry。 C.青檸梳打 仲包飲品，可以揀走糖漿！

招牌海南雞配油香飯，海南雞皮爽肉滑，有豐富肉汁，啖啖雞肉，味道好濃郁，配埋三色特製醬汁同埋油飯一齊食，好好味檳城古法大蝦炒貴刁份量好多，仲好夠鑊氣，好足料！除左有兩隻新鮮彈牙嘅大蝦，仲有其他唔同嘅配菜，有臘腸同埋魷魚！吸哂濃郁嘅醬汁嘅河粉同埋油麵，鹹鹹香香腐乳蛋黃醬單骨雞翼，我最鍾意食單骨雞翼，因為真係好方便！單骨雞翼炸至金黃色，好酥脆可口，配埋腐乳蛋黃醬，有淡淡嘅腐乳同埋蛋黃香味，但又唔會好鹹，味道好夾香茅烤雞肉串燒好juicy,仍然保留到雞肉嘅肉汁！仲有香濃嘅香茅味道，配埋醬汁真係好惹味藍莓焦糖燉蛋擺盤精緻，焦糖糖皮好焦脆，味道香濃，甜度適中！桔仔話梅水，飲落口好清新解膩，帶有微微鹹味青檸梳打有清新嘅青檸香味，解渴一流餐廳舒適寬敞，裝修好優雅！整體食物質素都高，下午茶性價比都好高，唔使$100就已經食到好飽！餐廳店員服務態度好友善，抵讚

✨香芒天婦羅軟殼蟹米紙卷 $128天婦羅軟殼蟹炸到金黄酥脆，米紙卷內夾有青瓜絲、香草葉 和 蘿蔔絲，而在底部嘅芒果汁非常香濃。✨芫荽牛油果醬鮮蝦越南濱海脆餅$118芫荽味份量不多，味道不重。牛油果醬好有鮮味，似牛油果蓉。隻蝦幾大隻下，肉鲜Q彈。脆餅上有食用花點綴色彩，賣相美觀，打卡一流。✨清萊原個菠蘿海鮮焗意大利飯 $238菠蘿超大個，上面鋪滿左新鮮嘅海鮮，例如：青口、蝦、蜆、帶子和八爪魚等，非常豐富。意大利飯軟腍，吸收了菠蘿汁，十分滋味。📍圓方 水區

今日係elements享受左一餐充滿泰國風情嘅海鮮宴🐟🌴泰式古法鹽焗筍殼魚 🐟呢道菜用上新鮮筍殼魚，鹽焗煮法，魚肉嫩滑，入口即溶，帶有淡淡鹽香，食完真係唔想停！店員好細心，會先俾時間你影相，然後再幫你切開魚皮，之後你就會見到啖啖肉🫶🏻，店員服務值得一讚👍泰北青咖喱酥脆軟殼蟹伴煎檬粉 🦀絕對係味蕾的派對！青咖喱香濃但唔會太辣，啖啖蟹肉唔單止鮮甜而且仲要有少少蟹膏，蟹殼又炸得脆卜卜配埋煎檬粉食，舒服✨蟹粉蟹肉香葉辣肉碎伴脆脆球 🌶️呢個真係香辣過癮！蟹粉同蟹肉混合得啱啱好，香葉添咗啲獨特香氣。辣肉碎夠香夠辣，配埋脆脆球，一咬就有聲，口感豐富！店員仲會不時嚟關心，服務貼心！💕📍地點：斑蘭 (尖沙咀)尖沙咀柯士甸道西1號ELEMENTS圓方水區1樓1044-1045號舖

約左朋友喺Elements睇戲，早啲過黎醫埋肚先入場，揀左間食fusion星馬菜餐廳。餐廳環境好闊落，而且裝修又靚，用色幾有東南亞特色，加埋現場播既泰文歌，真係感覺好似去左旅行咁。就咁睇餐牌望落啲食物好似幾吸引，仲會標明係邊個東南亞地方既特色菜。泰北冬蔭功大頭蝦湯 $82/位叫左一份大頭蝦冬陰功湯試下，雖然餐牌寫係一人份量，但上到黎都幾大份，兩個人share我覺得剛剛好。大頭蝦都好大隻，食落係新鮮蝦，幾好味；冬陰功湯偏重味啲，但唔算辣，酸酸地都幾開胃。星洲香辣炒珍珠米 $198星洲炒米就食得多，星洲炒飯就真係第一次食。呢味星洲香辣炒飯都幾多配料家，有蝦粒、魷魚、豬肉同啲豆角，整體炒得幾惹味，味道會比平時炒米辣啲啲，珍珠米炒得幾乾身，唔會痴到一舊舊咁，兩個人食份量都幾多。新加坡黒胡椒鮑魚難煲 $228呢個雞煲幾令人意外，上菜時已經一大個陶瓷煲咁上幾有特色，煲下面有火暖住，侍應一打開蓋就feel到佢炒得幾好鑊氣。唔好睇佢色水好深好似好重口味咁，我覺得反而剛剛好，咸香得黎有啲香茅既香味。鮑魚有兩隻，都唔細家，食落仲幾嫩口彈牙，火侯煮得剛剛好。雞件都煮得幾嫩滑，掛埋啲汁一齊食幾惹味，值得一試。

今次黎到圓方既斑蘭食個下午茶門面見到餐廳都好大好grand入到去座位好闊落 空間十足我地叫左兩個下午茶set同一個甜品越式牛油果醬法包配蕃茄莎莎🍅前菜先黎個法包開下胃🥖法包熱辣辣 烘得好脆配埋牛油果醬同蕃茄莎莎一冷一熱咁好開胃同清新！自家製腐乳蛋黃醬單骨牛油雞翼 🍖雞翼係炸既 好脆口但炸皮又唔會好厚最特別係個醬 腐乳味好出估唔到同雞翼夾埋一齊食會咁好味娘惹傳統斑蘭椰漿飯（巴東牛肉，脆皮雞卷）🥥飯係斑蘭綠色 帶有少少椰香口感比起一般白飯會再厚身啲旁邊有少少魚乾同花生拌菜🥜脆脆地好有咬口巴東牛肉煮得夠淋 而且肉汁豐富 送飯一流脆皮雞卷係無骨既 雞都唔老 夠哂滑檳城古法大蝦炒貴刁🍤上枱已經好香既鹹香味兩隻大蝦size好足貴刁入面仲有魷魚🦑貴刁炒得好乾身 條條分明同啲料兜得好勻循每夾起一箸都有唔同既配料食到加上有少少辣味 成道菜都好惹味！佢仲有加左啲七味粉係碟邊俾你配大蝦食係個好滿足既炒貴刁！桔仔話梅水🍊咸咸甜甜咁 好解渴青檸梳打🍋‍🟩青檸加上啲薄荷葉 好refresh同埋唔會落好多糖漿甜度岩岩好食完濃味既炒貴刁飲啖梳打成個口腔又清新番曬最後叫左個藍莓焦糖燉蛋🫐燉蛋好滑 仲有啲cream ch

與好友去九龍站圓方《斑蘭》嘆高質美味下午茶，餐廳環境靚靚座位寬敞舒適，食物價格合理。我們點左下午茶餐（A+B+C=$98）A.越南傳統炸春卷（3件）外層炸得香脆可口，餡料有紅蘿蔔絲、肉碎，用生菜包卷一齊食既爽口又解膩。B.招牌無骨海南雞配油香飯&雞湯，無骨海南雞肉嫩很滑啖啖肉配油飯很好吃😋雞湯不錯。C.熱桔仔話梅水，酸酸甜甜美味好飲。（A+B=$88）A:腐乳蛋黃單骨雞翼（4件）炸得鬆脆可口。B :檳城古法大蝦炒貴刁，有兩隻大大連殼蝦，臘腸片、魷魚圈、芽菜仔，醬汁少許辣夠惹味。🥢藍莓焦糖燉蛋$46，焦糖很薄很脆，表面鋪有香甜的藍莓醬，燉蛋很滑，甜度適中，是我至愛的甜品。🥢海鹽雪糕粟米脆脆$42，轉左用雲呢拿雪糕配粟米片脆口、配朱古力蛋卷，豐富又美味😋總結：餐廳環境寬敞舒服，食物高質素，服務周到👍