吔咩嗲 吔嘢事無所

Open Now

Now Closed

今日過左去荃灣搵食，發現係內街鱟(后)地坊有一間以日本木系風格為裝修既精品小店，入到去望到周圍既裝潢，令人覺得係日本家庭式經營的小店，帶俾人一種非常舒服的感覺。而且店舖既店員都好有活力，亦都好有禮貌。而今日食既係定食餐：三款熱菜＆一款冷菜 $99，呢D最適合我呢一種食得唔多，但係又好想試多D唔同既食物；最後熱菜揀左 “北海道牛肉薯餅”，“秘製Masala雞”，“黑松露烏賊漢堡墨魚漢堡”； 冷菜係左口魚秋葵伴柚子醋櫻花蝦同沙律菜配百香果柚子檸檬汁。北海道牛肉薯餅：牛肉薯餅炸得香脆可口；秘製Masala雞：清淡帶點蕃茄味，肉質鮮嫩；黑松露烏賊漢堡墨魚漢堡：食落有淡淡的黑松露香，而且非常新鮮彈牙；左口魚秋葵伴柚子醋櫻花蝦：秋葵配上柚子檸檬汁清新開胃，左口魚味道亦都新鮮。 另外甜品同特飲都非常驚艷，擺盤有心思，亦都好好味，值得再次光顧。