The Salted Pig (Closed)

今晚雖然係平日，但係你到尖沙咀諾士佛台呢間the salted pig，依然人頭湧湧，越夜越精彩。😳雖然係叫Salted pig，但嘢食種類非常之多，我同女朋友當然要叫佢嘅招牌菜黎試吓！首先係Snack Platter，見到好多枱都有點呢個，雞翼魷魚漢堡蟹餅薯條每樣都有啲，分量超多，建議可以同兩三個friend一齊share，而且佢嘅sauce有好多種，隨你百搭！之後嗌左Forest mushroom risotto同BBQ Ribs，2樣都比想像中大份好多😂Risotto好香濃而creamy，菇味好突出，而且都幾多種類嘅菇，好正，啱晒素食嘅朋友👍🏻但最正嘅一定係BBQ Ribs，有6大條骨！淨係肉嘅部分都大嚿過碟飯！🤤好多肉，醬足夠之餘，肉亦好嫩滑，唔會食得好論盡，side dish有薯條同原條燒粟米！👑👑呢個份量3個人食必定夠！後悔2個人黎食唔晒😂飽到行唔郁。