Sage Bar

Open Now

Now Closed

今日要入元朗做嘢，晏晝兩點幾想搵間餐廳靜靜地咁坐低食嘢，上OpenRice search下，見到呢一間餐廳都幾多好評，而且就響附近，所以就一個人走去食個late lunch。lunch餐牌都有幾多選擇，最後我揀咗香煎精選魚柳，今日係龍脷魚，啱晒我。頭盤我揀咗蘑菇湯，應該用左好多蘑菇煮，成個口充滿蘑菇味，好濃郁好creamy。跟住主菜到啦， 個賣相好吸引，總共有3塊魚柳，配菜仲有冬菇同埋菜心。我好好奇點解西餐會有菜心，原來呢個係意大利嘅菜心唔係我哋平時街市嗰隻，好清甜。魚柳煎得好香脆，配左啲酸酸地嘅醬汁，有一陣好清新嘅檸檬同洋蔥味。呢度晏晝唔貴，座位亦都好寬闊，我兩點幾黎客人唔太多，所以坐得好舒服咁過咗一個好chill嘅下午。