Tipsy Tap (Closed)

我的好朋友下年跟屋企人移民了，佢話要食盡香港，今次發掘適合聚會及拍拖的餐廳。我地6點都入左，環境好寧靜舒適，左邊仲有好大的調酒吧枱，好岩飲下酒傾計！因為要留肚食甜品，所以今次唔敢食太多野。🌟#芝士蟹肉釀蘑菇將鮮甜蟹肉釀入大大粒嘅鮮嫩蘑菇，突出蟹肉嘅鮮味，咬一口，啖啖鮮味蟹肉，加上芝士的濃香，隨即香味四溢。真係好想一口菇咁食，但真係好熱辣辣，小心燙口。🌟#脆煎濃香西班牙橡果飼厚切黑豚扒共有兩塊，一大一小，肉色淡紅有光澤，非常嫩滑，大塊的黑豚扒脂肪比較多，但好香油脂味，唔油膩，好香脆。小豚扒就肉質富有彈性又飽滿。薯條幼身，但好香脆，整體不錯，值得一試。🌟#荔枝手工啤酒及1號手工啤清香既花果味，啤酒花味適中，口感順滑，味道偏甜，酒精濃度不高，幾好飲。另一款酒精味比較淡，更易入口，好適合女士或較少飲酒的朋友試。服務亦好細心，適合飲下酒傾吓計又chill吓。