Hans Bar and Restaurant

Open Now

Now Closed

放工想搵地方傾偈，又唔想飲咖啡，上嚟睇完食評幾好，就揀咗呢間試吓。店員見我哋認真研究Menu,主動埋嚟介紹。朋友表示想飲類似Mojito 口味的cocktail, 店員便推介了一杯Eastside, 用 gin做底，有青瓜及薄荷，飲落好fresh 好消暑。由於今晚仲要開會，唔敢飲酒，就點了一杯mocktail 叫 Blueblood, 顧名思義是藍色的，青瓜柚子味都幾重，幾fresh幾好飲。我們先點了日式前菜拼盤，枝豆同燒雞泡魚干都唔錯，而酒盗芝士配餅乾食，平衡到個咸味，配酒一流。另外燒明太子配青瓜，亦是很好的配搭。由於前菜太驚艷，我哋加點了蒜蓉花椒凍蝦仁，單骨雞翼拼芝士及燒厚切牛舌，爽性試多幾款小食，唔轉場食飯了。蒜蓉花椒凍蝦仁幾爽口，花椒微辣，凍凍地幾好食。單骨雞翼甜甜地，加檸檬汁好食啲。而燒牛舌很高質，有咬口但唔韌， 調味亦很好👍🏻呢度地點幾方便，小食類唔算多但食得出用心配搭，職員好好傾亦會主動介紹，連無酒精飲品都好出色，下次要嚟試吓「楊枝甘露」先。