Video
Read full review
2021-11-15
5807 views
上個禮拜放咗3日假好鬼爽，第一時間同為食老婆大人去食好嘢，啱啱好太子酒店新餐廳SAVVY喺12號開張，咁梗係即刻book位約埋啲老友一齊去chill吓啦！一行入Savvy就係型到爆嘅酒吧位，喱道夜晚可以happy hour晏晝就可以好型咁喺度食麵。再行入啲係酒廊嘅位置有皮梳化感覺好舒服，喺度嘆下午茶或者食件cake都好爽喎。行到最入就係餐廳嘅位置地方好大座位仲勁闊，大聲啲講嘢都唔驚嘈到隔離枱哈哈。我哋一齊揀咗食晚市嘅套餐，無他嘅因為四佰幾已經有齊自助頭盤、主菜同埋自選甜品，自助頭盤都好鬼多選擇好似有沙律菜、現成特色沙律仲有凍海鮮，大食嘅我真係覺得勁正囉。咁鬼好氣氛嘅地方梗係要整番杯雞尾酒飲吓啦，喱一杯用清酒調嘅雞尾酒好清香唔錯唔錯。頭盤梗係要食回本易嘅凍海鮮啦！青口同炙燒吞拿魚由我餵老婆大人食，至於蝦同小龍蝦就勞煩佢煎皮拆骨然後送入我口喇！之後仲有一大碟沙律前菜，我就幾鍾意羅喏沙律同埋甜辣海蝦薄皮卷，任食可以再返兜Yeah！！主菜有好多嘢揀其中一樣係湯仲係泰式大頭蝦冬蔭功，喺open kitchen大廚會將冬蔭功湯倒入個咖啡蒸餾器入面，然後用火鎗燒滾個湯就會游上去香料入面好鬼過瘾。完成
一行入Savvy就係型到爆嘅酒吧位，喱道夜晚可以happy hour晏晝就可以好型咁喺度食麵。
再行入啲係酒廊嘅位置有皮梳化感覺好舒服，喺度嘆下午茶或者食件cake都好爽喎。
行到最入就係餐廳嘅位置地方好大座位仲勁闊，大聲啲講嘢都唔驚嘈到隔離枱哈哈。
我哋一齊揀咗食晚市嘅套餐，無他嘅因為四佰幾已經有齊自助頭盤、主菜同埋自選甜品，自助頭盤都好鬼多選擇好似有沙律菜、現成特色沙律仲有凍海鮮，大食嘅我真係覺得勁正囉。
咁鬼好氣氛嘅地方梗係要整番杯雞尾酒飲吓啦，喱一杯用清酒調嘅雞尾酒好清香唔錯唔錯。
頭盤梗係要食回本易嘅凍海鮮啦！青口同炙燒吞拿魚由我餵老婆大人食，至於蝦同小龍蝦就勞煩佢煎皮拆骨然後送入我口喇！
之後仲有一大碟沙律前菜，我就幾鍾意羅喏沙律同埋甜辣海蝦薄皮卷，任食可以再返兜Yeah！！
主菜有好多嘢揀其中一樣係湯仲係泰式大頭蝦冬蔭功，喺open kitchen大廚會將冬蔭功湯倒入個咖啡蒸餾器入面，然後用火鎗燒滾個湯就會游上去香料入面好鬼過瘾。
完成後即刻熱辣辣上枱，喱碗泰式冬蔭功入面有一隻大頭蝦同埋啲菇菇，試咗一啖嘩辣度超勁唔怪之得老婆大人飲得咁滿意啦。
喱度有印度廚所以散叫咗一份印度傳統拼盤配薄餅一齊試，好有睇頭嘅擺盤入面有咖哩蝦、咖哩雜菜、咖哩雞、香草烤雞、印度米仲有脆餅，大圓碟入面嘅係咖哩角同埋薄餅，而綠色嗰兜就係薄荷乳酪醬嚟。
薄餅襯咖哩食真係唔會輸，而喱道嘅咖哩係唔會同一個味道真係好鬼香。
老婆大人叫咗喱碟印尼黃薑炸雞配椰香黃米飯，我試咗件黃薑炸雞唔油同埋唔鞋口，椰香黃米飯好香口加啲花生魚乾食仲正，脆卜卜嘅炸蝦片一啲都唔油個個都好鍾意食。。
喱個紅燒鮑魚配時菜鮮菇及炒飯大家都好鍾意，鮑魚勁入味又有咬口炒飯夠爽身，側邊嗰啲炸瑤柱仲好鬼惹味添。
我就食澳洲和牛配意大利青瓜、紫薯及黑椒汁，牛肉味道係濃嘅如果可以juicy多啲肯定更加正斗，老婆大人一睇到紫薯蓉已經心心眼咗，ok ok只要妳鍾意比哂妳食又點話吖。
最尾仲可以喺甜品餐車道揀蛋糕，甜品廚一路介紹老婆大人就一路嗌omg，證朋佢幾咁like喱道嘅甜品。
我就試咗酸微微嘅檸檬蛋糕，白朱古力嘅甜夾檸檬同熱情果嘅酸好冲衝擊味蕾。
另外喱件白雪雪嘅係菠蘿芒果芝士蛋糕，食落軟綿綿嘅感覺好舒服，而且好有果香勁好味呀！真係幾鍾意喱道嘅格局，下次同老婆大人嚟試埋佢嘅酒吧午餐麵先得。
SAVVY
電話：21136188
營業時間：星期一至日12:00 - 00:00
地址：尖沙咀海港城港威商場3樓GW 3209A
Post
