Video
Read full review
2023-03-14
7 views
唔知由幾時開始，3月14既白色情人節慶祝活動竟然不亞於傳統既2月14情人節。一向直男直過間尺既老公，都話要跟下風😳入門坐低staff就同我地介紹White Day promotion，係同Slok Chocolate crossover，出咗3杯唔同style既cocktail，$280 for all……好呀要曬三杯呀唔該你😳其實仲有好多特色cocktail同highball，蛋撻同粟米都真係….好特別🤣心郁郁真係好想試但女人都係好容易比limited edition/promotion/seasonal既字眼吸引😌唯有下次再試❤️酒吧環境好舒服，如果幾個朋友想靜靜地有個地方chill下傾計真係好適合，越坐越喜歡呢間Bar第一杯cocktail叫Balter，係Panarea Sunset Gin做base，加埋Maraschino同西柚。柑橘香氣既Gin加上Maraschino既甜果香，配上西柚令到成杯酒飲落去好清爽重點係同一塊陳皮味既72%黑朱古力做pairing，staff建議我地一啖酒一啖朱古力。入口本身清爽既酒味，係一口朱古力過後濃縮咗啲果香味，最後有淡淡既陳皮味係條脷到嗒下
入門坐低staff就同我地介紹White Day promotion，係同Slok Chocolate crossover，出咗3杯唔同style既cocktail，$280 for all……
好呀要曬三杯呀唔該你😳
其實仲有好多特色cocktail同highball，蛋撻同粟米都真係….好特別🤣心郁郁真係好想試
但女人都係好容易比limited edition/promotion/seasonal既字眼吸引😌唯有下次再試❤️
酒吧環境好舒服，如果幾個朋友想靜靜地有個地方chill下傾計真係好適合，越坐越喜歡呢間Bar
第一杯cocktail叫Balter，係Panarea Sunset Gin做base，加埋Maraschino同西柚。
柑橘香氣既Gin加上Maraschino既甜果香，配上西柚令到成杯酒飲落去好清爽
重點係同一塊陳皮味既72%黑朱古力做pairing，staff建議我地一啖酒一啖朱古力。入口本身清爽既酒味，係一口朱古力過後濃縮咗啲果香味，最後有淡淡既陳皮味係條脷到嗒下
第二杯係三杯入邊我最鍾意嘅Ephemeral，係用Mystic Grove既Chapter 9 blue Gin做base，本身隻Gin係好靚好靚嘅藍色，調出嚟嘅酒就會變成紫色，好似蝶豆花咁
再加上大家都耳熟能詳廚房必備嘅玫瑰露酒，令到佢更有酒香味
配埋pairing既72%朱古力，唔知點解個酒味好似更加濃郁咗咁，開始有少少感覺😛
牛舌既串燒比備既單品，厚切尤其吸引。一份有三串，係真.厚切牛舌(好多唔係架🙈)
牛舌口感好爽脆，牛舌芯仲保持到腍滑口感，調味好惹味啱我重口味送酒😻
意大利雲吞係一口size，加上厚厚白松露油雜菇醬，每啖都好濃既蘑菇氣味，食到最後忍唔住搯埋啲醬食😛
食完有啲唔夠喉，加多個麻婆豆腐Nachos，唔….想像唔到，因為麻婆豆腐我淨係配過飯食🤣
原來係一片片炸咗枝竹(腐皮?🥹)配麻婆豆腐沾醬，炸枝竹好薄好脆，麻婆豆腐醬微辣，呢個拎嚟送酒都好襯
最後一杯既Supine冇朱古力食啦🙈
因為朱古力放咗係就入面，加咗Levantine Gine同Lillet Blanc， 呢杯亦都係最濃酒味既一杯。
上枱時好緊張，好快手咁影完相之後bartender就將煙薰器拎走，即刻聞到好大陣煙燻木味加少少酒香味
飲既時候首先個鼻會聞到煙燻味，入口既就有種朱古力既可可甜味加上Gin既柑橘酸味，之後就有陣涼涼地既薄荷甜辣味，呢杯亦都係最有層次既一杯，飲完真係好有感覺🙉
呢三杯crossover cocktail都好特別，期待會有其他既pairing❤️
Post
