Video
Read full review
2020-11-14
521 views
唔知幾時開始，鍾意周圍搵咖啡飲. ☕️發現呢間，純粹因為經過. 原本想去另一到買熱狗食，經過富輝發現有新鋪，望一望發現有咖啡. 諗一諗，不如就試試佢. 🙂小店鋪面唔大，乾淨企理既. 一邊係小型吧枱，坐到2個人. 一邊矮凳可以坐低等咖啡.睇睇 menu, coffee menu 唔係 gimmick 野 (我反而鍾意). 揀咗 espresso macchiato 試. 咖啡師問我想要微酸，煙燻，定果香👈🏻（唔肯定係咪果香，唔記得咗😜）. 我有啲 surprise, 因為無諗過佢地會問. 我揀咗煙燻, 純粹個人口味.跟住睇小食 menu, 唔算太吸引我. 有棉花糖多士， pizza 味多士，仲有一個多士 (已經唔記得咩名，只係記得係甜既), 同鰹魚汁烏冬. hmm... 咁試吓 pizza 味多士. 🍕咖啡沖好，聞一聞，香味唔算好出. 飲落口，煙燻味出，咖啡既甘香味有. 估唔到，唔錯喎，有啲驚喜. ❤️ 鍾意飲 espresso 既朋友，可以去試試. 跟住 pizza 味多士都整好啦. 老實講，賣相唔吸引. 不過係即整，拎出嚟仲係熱辣辣，加番分. 味道
發現呢間，純粹因為經過. 原本想去另一到買熱狗食，經過富輝發現有新鋪，望一望發現有咖啡. 諗一諗，不如就試試佢. 🙂
小店鋪面唔大，乾淨企理既. 一邊係小型吧枱，坐到2個人. 一邊矮凳可以坐低等咖啡.
睇睇 menu, coffee menu 唔係 gimmick 野 (我反而鍾意). 揀咗 espresso macchiato 試. 咖啡師問我想要微酸，煙燻，定果香👈🏻（唔肯定係咪果香，唔記得咗😜）. 我有啲 surprise, 因為無諗過佢地會問. 我揀咗煙燻, 純粹個人口味.
跟住睇小食 menu, 唔算太吸引我. 有棉花糖多士， pizza 味多士，仲有一個多士 (已經唔記得咩名，只係記得係甜既), 同鰹魚汁烏冬.
hmm... 咁試吓 pizza 味多士. 🍕
咖啡沖好，聞一聞，香味唔算好出. 飲落口，煙燻味出，咖啡既甘香味有. 估唔到，唔錯喎，有啲驚喜. ❤️ 鍾意飲 espresso 既朋友，可以去試試.
跟住 pizza 味多士都整好啦. 老實講，賣相唔吸引. 不過係即整，拎出嚟仲係熱辣辣，加番分. 味道ok， 但唔會俾人有特別印象留低.
整體來講，咖啡係推介既，值得去試. 而食物就未吸引到我.
PS, 店長/員態度好好，會講等候時間. 仲會問吓我要唔要杯水😂
Espresso Macchiato
$32
41 views
0 likes
0 comments
pizza 味多士
$30
49 views
1 likes
0 comments
Post
