Video
Read full review
2016-03-21
289 views
環境每次行過都覺得呢度好得意，好大盞燈又放滿糖咁，不過次次都太多人。今日趁早放工，同鍾意食綠茶+芝士嘅貓貓嚟試吓啦成日都唔明，糖係糖，奶昔係奶昔啦，乜野係糖果奶昔？原來有廿幾三十種糖果朱古力任你mix & match成糖果奶昔($34)或者糖果乳酪奶昔($36)，仲有和歌山桃味糖、麵包超人糖、廣島蕃薯糖及鹽味檸檬糖，充滿創意，下次真係要試試！Oreo芝士雪糕($26)雪糕灑上珍珠糖、星星朱古力同朱古力漿，為外表白色平淡嘅雪糕加上不少色彩。第一口感覺有芝士嘅鹹味，但食真啲就會被Oreo嘅香甜味所蓋過。但係Oreo打到碎晒，如果雪糕裡面留返啲小塊會更有口感。色彩繽紛又甜甜哋嘅雪糕好適合小朋友食，本身唔開心嘅大人食完都會開心返呀真係！綠茶芝士雪糕($26)綠茶及芝士都係我的最愛，點揀好呢？真係好喇，今次一個雪糕有齊晒我兩個最愛！入口一陣陣綠茶甘香，之後整個口腔都會被芝士（北海道芝士配3.6牛乳自家製）覆蓋，口感夠晒細滑綠茶芝士撻($18)成個撻漲卜卜，有一點點綠色，好可愛啊。熱辣辣香氣撲鼻，第一口有啲奶茶味咁得意嘅？食落就綠茶及芝士兩者平均，質感滑溜，絕對適合嗜甜嘅朋友。撻皮脆口，牛油香味濃
每次行過都覺得呢度好得意，好大盞燈又放滿糖咁，不過次次都太多人。今日趁早放工，同鍾意食綠茶+芝士嘅貓貓嚟試吓啦
成日都唔明，糖係糖，奶昔係奶昔啦，乜野係糖果奶昔？原來有廿幾三十種糖果朱古力任你mix & match成糖果奶昔($34)或者糖果乳酪奶昔($36)，仲有和歌山桃味糖、麵包超人糖、廣島蕃薯糖及鹽味檸檬糖，充滿創意，下次真係要試試！
Oreo芝士雪糕($26)雪糕灑上珍珠糖、星星朱古力同朱古力漿，為外表白色平淡嘅雪糕加上不少色彩。第一口感覺有芝士嘅鹹味，但食真啲就會被Oreo嘅香甜味所蓋過。但係Oreo打到碎晒，如果雪糕裡面留返啲小塊會更有口感。色彩繽紛又甜甜哋嘅雪糕好適合小朋友食，本身唔開心嘅大人食完都會開心返呀真係！
綠茶芝士雪糕($26)綠茶及芝士都係我的最愛，點揀好呢？真係好喇，今次一個雪糕有齊晒我兩個最愛！入口一陣陣綠茶甘香，之後整個口腔都會被芝士（北海道芝士配3.6牛乳自家製）覆蓋，口感夠晒細滑
綠茶芝士撻($18)成個撻漲卜卜，有一點點綠色，好可愛啊。熱辣辣香氣撲鼻，第一口有啲奶茶味咁得意嘅？食落就綠茶及芝士兩者平均，質感滑溜，絕對適合嗜甜嘅朋友。撻皮脆口，牛油香味濃。好可惜因為掛住食雪糕，遲咗食個撻，所以流心效果冇咁明顯！下次一定要先食撻啊....
香芋芝士撻($18)以為係蕃薯，原來係比較冷門嘅香芋！話說細個嘅時候好鍾意食香芋味蓮花杯，呢個撻帶返好多童年回憶俾我... 第一口芝士嘅芝味湧入喉嚨，之後就係好熟悉嘅香芋味喇，質感creamy...
Other Info. :
播好多廣東歌，要大讚！
(The above review is the personal opinion of a user which does not represent OpenRice's point of view.)
Post
