大壹燒鵝 (MOSTown Street新港城中心大街(3期))

Open Now

Now Closed

結論: 食極唔厭燒味飯！住附近成日都食，呢兩日心掛又再去食啦！同平時一樣叫左叉油雞飯，竟然有雞脾食！先講下叉燒，佢係偏肥嘅，油香加燶邊真係冇得輸，但好老實食多兩舊真係會有少少滯嘅。到鼓油雞啦，佢肉質係實嘅，鼓油味唔單止停留喺層皮度仲有到啲雞肉，而且唔會鞋口！如果要挑剔嘅話就係冇菜啦，有兩條菜食下嘅都可以感覺清爽少少，自我感覺又良好少少整體都幾推薦嘅，環境都算坐得舒服，價錢公道，不過就真係油左啲。佢夜晚都有小菜食唔錯架，大家可以去試吓！