Video
Read full review
2022-07-01
3491 views
Staycation - 4 Courses Dinner係我地Anniversary決定去Staycation既時候，我地有比較過幾間酒店既Package，一見到Conrad個menu就覺得係佢啦，因為個menu真係好啱我地胃口，有齊餐湯、前菜、主菜、甜品，仲要全部都係我地鍾意食既野～⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🥖麵包籃🦆法式鴨肝伴焦糖杏桃｜黑醋醬｜多士 (9/10)佢呢個真係好高質，塊鴨肝煎到半熟，外脆內嫩，加埋黑醋汁真係好正呀🥰 雖然略嫌佢鴨肝味道唔算好重，但就佢口感黎講真係100分🥦奶油椰菜花｜蟹肉｜蒜蓉麵包粒 (8/10)椰菜花湯真係好椰菜花，就咁望佢係一碗好普通既白色忌廉湯，但飲落好有驚喜，creamy得黎椰菜花嘅味道好強烈咁樣喺湯入邊散發出嚟，係果種一飲就會知道佢係滿滿既椰菜花既感覺呀🥣黑松露南瓜湯 (7/10)相較之下，黑松露南瓜湯雖然都好飲但就不過不失咁啦🥩香煎牛柳｜蘿蔔｜義大利小胡瓜｜醃蘑菇｜紅酒汁 (8.5/10)呢個牛柳超級厚，要切都要花d功夫，但佢真係燒到啱啱好五成真係好勁，個生熟度超級完美👅外面係有少少燒烤嘅香味而裡面越食越嫩，
係我地Anniversary決定去Staycation既時候，我地有比較過幾間酒店既Package，一見到Conrad個menu就覺得係佢啦，因為個menu真係好啱我地胃口，有齊餐湯、前菜、主菜、甜品，仲要全部都係我地鍾意食既野～
⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫
🥖麵包籃
🦆法式鴨肝伴焦糖杏桃｜黑醋醬｜多士 (9/10)
佢呢個真係好高質，塊鴨肝煎到半熟，外脆內嫩，加埋黑醋汁真係好正呀🥰 雖然略嫌佢鴨肝味道唔算好重，但就佢口感黎講真係100分
🥦奶油椰菜花｜蟹肉｜蒜蓉麵包粒 (8/10)
椰菜花湯真係好椰菜花，就咁望佢係一碗好普通既白色忌廉湯，但飲落好有驚喜，creamy得黎椰菜花嘅味道好強烈咁樣喺湯入邊散發出嚟，係果種一飲就會知道佢係滿滿既椰菜花既感覺呀
🥣黑松露南瓜湯 (7/10)
相較之下，黑松露南瓜湯雖然都好飲但就不過不失咁啦
🥩香煎牛柳｜蘿蔔｜義大利小胡瓜｜醃蘑菇｜紅酒汁 (8.5/10)
呢個牛柳超級厚，要切都要花d功夫，但佢真係燒到啱啱好五成真係好勁，個生熟度超級完美👅外面係有少少燒烤嘅香味而裡面越食越嫩，無Langham間Bostonian bar塊牛咁外面燒膿左有浸苦味，配上佢本身嘅醬汁同埋一啲芥末醬真係幾好食
🍮法式燉蛋｜紅莓醬｜雜莓 (7/10)
⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫
成餐除左味道之外，最欣賞係佢每道菜都好精緻有擺盤，感覺就係佢係一間好法國餐既法國餐啦，對於食物同賣相服務都有質素同要求，Staycation包既晚餐黎講真係無野好彈
🏡環境：8/10
🍝食物：8/10
🤵🏻服務：7.5/10
💰價錢：N/A
👧🏻👦🏻回頭：Yes
Post
