Video
Read full review
2023-07-27
2178 views
如果同朋友聚會、慶祝，想搵個cozy啲嘅西餐廳，又要性價比高，今次就發掘到一個好地方🫶🏼係位於尖沙咀嘅Chef Stage by Eddy Chu。餐廳位處高樓層，可以望到靚靚夜景🌃比到我驚喜嘅原來仲有駐場歌手，成晚彈住結他唱咗好多飲歌👍🏻👍🏻而且呢晚有好多人生日唱咗好幾次生日歌😹成個感覺好溫馨氣氛超好🥰🥰大廚係好多烹飪比賽攞過獎，今次點嘅每樣試套餐，$398可以食到7道菜式，每款菜式都食得出花上心思❤️透過大廚嘅巧思運用不同食材同調味，平凡中帶不平凡😽😽日本麵豉帶子薄片配鮮蝦肉有兩片帶子同彈牙蝦肉，一般都係配酸甜油醋汁，呢度用上麵豉，估唔到惹味嘅麵豉同海鮮又幾夾😙😙松露煮日本年糕年糕煙煙韌韌，配上帶淡淡黑松露香嘅creamy醬汁，都唔錯😛焗連殼食法國田螺經典法式田螺係呢度做咗個cute版😆用鬆脆餅乾代替田螺殼🐚所以真係可以連殼食。田螺彈牙帶香草香。黑松露蘑菇湯／是日餐湯（椰菜花蟹肉湯）蘑菇湯黑松露香味恰到好處👍🏻每啖都飲到粒粒菇粒；是日餐湯有驚喜😋椰菜花味好清甜，完全唔係草青味，而且有好多一梳梳嘅鮮甜蟹肉🦀加上椰菜花碎，好飽足。鮮鱸魚柳酸甜香草汁未上主菜竟然仲有好似主菜一樣嘅鱸魚🤣味道
日本麵豉帶子薄片配鮮蝦肉
有兩片帶子同彈牙蝦肉，一般都係配酸甜油醋汁，呢度用上麵豉，估唔到惹味嘅麵豉同海鮮又幾夾😙😙
松露煮日本年糕
年糕煙煙韌韌，配上帶淡淡黑松露香嘅creamy醬汁，都唔錯😛
焗連殼食法國田螺
經典法式田螺係呢度做咗個cute版😆用鬆脆餅乾代替田螺殼🐚所以真係可以連殼食。田螺彈牙帶香草香。
黑松露蘑菇湯／是日餐湯（椰菜花蟹肉湯）
蘑菇湯黑松露香味恰到好處👍🏻每啖都飲到粒粒菇粒；是日餐湯有驚喜😋椰菜花味好清甜，完全唔係草青味，而且有好多一梳梳嘅鮮甜蟹肉🦀加上椰菜花碎，好飽足。
鮮鱸魚柳酸甜香草汁
未上主菜竟然仲有好似主菜一樣嘅鱸魚🤣味道有啲驚喜😋😋鱸魚柳非常鮮嫩啖啖肉，魚皮香口微脆，醬汁除咗有香草香味仲幾酸酸咪咪，剛好係serve主菜之前可以再開一下胃，安排好貼心☺️☺️
燒羊鞍
嚟到主菜部份，羊鞍叫咗半生熟，生熟程度剛好👏🏻肉質粉嫩，有肉感之餘亦有肉汁💦而且帶點羊膻味，我幾鍾意😍
雜菜燴安格斯牛腩扒
牛腩就食得多，咁厚身咁大件嘅牛腩扒比較少見😝肉質炆得非常腍，口感軟嫩，肉味香😚醬汁食到濃郁香甜嘅茄膏味，以及多款雜菜清甜嘅味道。伴碟有咁多款雜菜正好balance返。
精選甜品
連埋甜品，呢個套餐真係好豐富🤰🏻Cheesecake食到幾香oreo味，一口一件作為晚餐嘅ending剛剛好👍🏻
人均消費：$420
推介指數（10分為滿分）：8分
Post
