囍公館 (Closed)

去完故宮係呢個公園行下搵野食，海邊很多人帶同寵物野餐露營十分熱鬧。睇左西九餐廳啲讚好既評價我覺得唔太能參考，因為入面有間明星開既餐廳係台灣果邊評價都麻麻地，香港既分店會好得去邊，無乜可能，但都有好多好評-.-選左呢間中菜因為同行想食點心。下午時段無乜客人，當日太陽又好好，我們選擇坐戶外，見已預先擺好餐具，所以餐具上面有灰塵，員工唔會主動提供洗餐具既大碗，紙巾餐巾都無，要不停叫佢地先俾野你，去返高級少少既中菜酒樓都唔會咁樣乜都無又唔主動，枱櫈都多灰塵要自己抹。食物份量唔多，擺盤可以，份量好細，兩款麵同點心多數都係淡而無味，要另外嗌豆瓣醬同辣椒油先夠味。埋單700幾蚊有啲心痛，預左西九呢邊食野都唔會平，但起碼應該要維持食物同服務質素，甚至應該更好，所以十分失望，睇返啲可愛狗仔同小朋友心情先好返啲。