Video
Read full review
2024-09-09
353 views
星期日，同家姐帶媽媽晚上食晚餐，之前已經預咗係網上訂定枱食飯🙆🏻♀️本身睇網上評價唔錯，不過試完即刻覺得唔會有第二次，食物質素一般，太overpriced。因為一直無寫食評習慣，所以都冇影到食物相，價錢都係憑記憶寫，不過真係好想警世大家睇完再決定嚟唔嚟😂 印象中叫嘅食物有：🔸明太子玉子燒 大約$98呢個味道唔錯，不過價錢偏貴🔸炸雞皮餃子 大約$35味道中上，正常發揮🔸海苔魷魚鬚 大約$48味道正常，份量較少🔸牛牛大葱串燒 $58 味道正常，份量較少🔸DIY夢王蛋飯 $38 同家姐一齊睇漏咗DIY三個字，原來係要自己打蛋，唔想攰嘅人就真係唔好叫🔸炸番薯條 $58味道正常，值得一讚係新鮮炸好 🔸壽喜燒牛肉鍋 $198 （加飯 +$25）全餐飯覺得最唔值就係呢個鍋物，肥牛大約都係只有六七片左右，加埋豆腐，少量菇物同芋絲，好似以前吉野家火鍋嘅大小重點係個火好細，由一上枱到我哋食晒上面所有嘢食佢都唔滾😐但係啲牛肉本身係生嘅，一直都想等佢滾先食，後尾真係等咗半個鐘，等唔到就照食住先😐食到冇耐過火就熄咗，所以問店員可唔可以加貨，店員竟然回覆只可以加一次火😧我再同佢講但係個火細到個湯冇滾起過，之後佢就
本身睇網上評價唔錯，不過試完即刻覺得唔會有第二次，食物質素一般，太overpriced。
因為一直無寫食評習慣，所以都冇影到食物相，價錢都係憑記憶寫，不過真係好想警世大家睇完再決定嚟唔嚟😂 印象中叫嘅食物有：
🔸明太子玉子燒 大約$98
呢個味道唔錯，不過價錢偏貴
🔸炸雞皮餃子 大約$35
味道中上，正常發揮
🔸海苔魷魚鬚 大約$48
味道正常，份量較少
🔸牛牛大葱串燒 $58
味道正常，份量較少
🔸DIY夢王蛋飯 $38
同家姐一齊睇漏咗DIY三個字，原來係要自己打蛋，唔想攰嘅人就真係唔好叫
🔸炸番薯條 $58
味道正常，值得一讚係新鮮炸好
🔸壽喜燒牛肉鍋 $198 （加飯 +$25）
全餐飯覺得最唔值就係呢個鍋物，肥牛大約都係只有六七片左右，加埋豆腐，少量菇物同芋絲，好似以前吉野家火鍋嘅大小
重點係個火好細，由一上枱到我哋食晒上面所有嘢食佢都唔滾😐
但係啲牛肉本身係生嘅，一直都想等佢滾先食，
後尾真係等咗半個鐘，等唔到就照食住先😐
食到冇耐過火就熄咗，所以問店員可唔可以加貨，店員竟然回覆只可以加一次火😧
我再同佢講但係個火細到個湯冇滾起過，之後佢就話其實個火係足夠令牛肉熟，如果加火嘅話啲牛肉就會太熟….😪😪😪
聽到呢度都好明顯個店員唔想煩，所以都冇再去糾纏😂
不過個鍋物真係好唔扺，肥牛太肥，質素好一般，食完都唔知食咗啲咩落肚🤣
四個人埋單價錢$600左右，但係食完完全冇滿足嘅感覺，最主要都係用咗啲飯嚟塞飽自己個肚😂 餐廳環境唔錯，但食物CP值極低，所以總結都係完全唔會有下次！
牛肉壽喜燒
$198
0 views
0 likes
0 comments
Post
