Mizu (Closed)

嗰日經過佐敦見到呢一間「Mizu」，見到佢幾得意裝修幾靚就入去試吓。星期六就嘆一個brunch啦！朋友就叫左個all day breakfast。佢哋嘅早餐套餐都好豐富下，有炸雞、黑松露醬雞蛋、炒蘑菇同埋薯餅。個蛋煎得剛剛好，每一口食落去都好滿足，仲有好多黑松露嘅香味！配埋啲粟米同茄汁豆，一份絕對夠飽！而我就比較肚餓，所以叫咗佢嗰個招牌定食-Mizu燒鳥定食。入邊有勁多款唔同嘅燒雞肉，燒雞中翼，免治雞肉棒，京蔥燒雞配上新鮮嘅蔬菜，味道非常出色。烤雞肉香嫩多汁，食落去好滿足。仲有個蛋黃可以俾你點埋啲雞肉食更加鮮味。整個套餐係一個完美嘅組合，保證會讓你回味無窮。飲品方面都整到好精美，我試吓佢哋嘅Hot Cafe Latte同Hot Flat White。兩款咖啡都係經典嘅選擇。哩到既咖啡師傅手藝唔錯，二杯都煮得好香濃。Cafe Latte有濃郁嘅咖啡香味同埋順滑嘅牛奶口感，而Flat White則更加濃厚，咖啡同奶嘅比例剛剛好。無論你鍾意邊一款，都能夠享受到一杯美味的咖啡。呢間餐廳星期六晏晝都幾多人，不過見佢啲嘢幾好食，應該下次都會返兜試吓。