Video
Read full review
2024-08-09
3691 views
最近觀塘開左一棟新大廈銀八，開左4間餐廳，所以就去左其中既【Classy】海鮮扒房食西餐啦。選擇困難症當然就叫左Tasting Menu，可以叫4 courses或者5 courses，配main 或者pasta。我地就叫左4 courses配main。是日精選頭盤：當日係parma ham melon、salami芝士同吞拿魚多士。Parma ham melon甜甜鹹鹹幾清新、salami芝士既芝士加左D香草蔬菜幾好食、吞拿魚多士喜出望外，本身唔食吞拿魚，但呢個唔會好腥同似貓罐頭。海鮮拼盤（cocktail蠔、北極甜蝦、煙三文魚、煙鱔同墨魚沙律）：無諗過分量都算幾多，cocktail蠔肥美、調味幾特別。北極甜蝦細細隻都有6-7隻、幾鮮甜。煙三文魚同煙鱔放係多士上面、完全無腥。墨魚沙律蔬菜非常新鮮。法式洋葱湯：個人覺得有D偏鹹，如果無禁鹹可能會好D野菌忌廉湯：呢個非常不錯，感覺好真材實料、野菌蘑菇蓉都好多、香氣好濃。法式烤鵪鶉釀鮑魚意大利飯：厨師推薦，非常特別。個人都超級推薦。鵪鶉被塞到漲卜卜、裏面意大利飯唔似平時果D禁heavy，吸收曬D肉汁好香。拌碟蔬菜薯蓉都好食。炭燒美國安格斯肉
是日精選頭盤：當日係parma ham melon、salami芝士同吞拿魚多士。Parma ham melon甜甜鹹鹹幾清新、salami芝士既芝士加左D香草蔬菜幾好食、吞拿魚多士喜出望外，本身唔食吞拿魚，但呢個唔會好腥同似貓罐頭。
海鮮拼盤（cocktail蠔、北極甜蝦、煙三文魚、煙鱔同墨魚沙律）：無諗過分量都算幾多，cocktail蠔肥美、調味幾特別。北極甜蝦細細隻都有6-7隻、幾鮮甜。煙三文魚同煙鱔放係多士上面、完全無腥。墨魚沙律蔬菜非常新鮮。
法式洋葱湯：個人覺得有D偏鹹，如果無禁鹹可能會好D
野菌忌廉湯：呢個非常不錯，感覺好真材實料、野菌蘑菇蓉都好多、香氣好濃。
法式烤鵪鶉釀鮑魚意大利飯：厨師推薦，非常特別。個人都超級推薦。鵪鶉被塞到漲卜卜、裏面意大利飯唔似平時果D禁heavy，吸收曬D肉汁好香。拌碟蔬菜薯蓉都好食。
炭燒美國安格斯肉眼扒配油封洋葱燒汁：肉眼扒非常軟霖、牛味香濃無咩肥膏同筋。油封洋葱燒汁甜甜地、好香洋葱味。
梳乎厘pancake：梳乎厘pancake質地不錯，但上面個朱古力cream有D太甜，可能轉其他味道會好D。
法式焦糖燉蛋：呢個非常不錯、蛋味香濃、上次焦糖好脆。
Post
