彤粵菜小館 (Closed)

呢排突然之間好想食多啲唔同風味嘅菜式，俾我男朋友發現到呢間係尖沙咀新開嘅高質粵菜餐館🤤我哋就去咗試一試，發現佢嘅價錢都比較合理，我哋都放開手叫多咗幾樣🥰成個晚餐都食得非常滿意而且滿足👍🏻呢個叫草原風波，其實係柚子汁涼拌牛展絲，牛展絲配柚子汁勁開胃，酸酸甜甜的🥰第一次試呢個柚子汁再配上爽口嘅牛展絲，真係好有驚喜。仲有一個鳳梨咕嚕肉，入口味道酸酸甜甜🥳仲要食落外脆內軟，叫呢個小食一定唔會失望👍🏻番薯安格斯牛柳粒嚟講，安格斯牛柳粒味道好正宗，咁嘅價錢食到咁多真係好抵食！仲要牛柳嘅口感腍腍地，而且牛味十分濃郁，蕃薯既甜味同牛肉出奇地夾，好好食👍🏻薑蔥廣島蠔真係名不虛傳呀，每隻都差唔多手板咁大隻，而且十分肥美🥰仲要洗得好乾淨，而且煎香左既蠔有少少焦，但完全無影響好味程度，好鮮甜好好食😋