成都小巷米線雞煲 (和富道) (Closed)

今晚去咗北角食雞煲，間間舖頭叫做「成都小巷米線·雞煲」食完雞煲之後就打邊爐仲係任食添，飲品亦都係任飲。雞煲我哋揀咗唔辣，同埋一定仲要走青（我知有好多人覺得啲蔥同埋芫荽先至精華，但係冇辦法我真係搞唔掂😅）通常啲雞煲都一定係好惹味，呢度都係但係佢會甜多一點，最得意係我哋揀咗唔辣，都有花椒味但係唔辣，正👍🏻我哋好快就K.O.咗一個雞煲，之後就加湯打邊爐，配菜係自助形式，有牛肉、豬肉、大量丸類、蔬菜同埋仲有麵類，大約有成三十幾款任你選擇，保證一定勁飽😂飲品亦都有好多選擇。最後我想講吓佢嘅CP值係非常之高，位於港島，仲要係任飲任食，每人只不過係百幾蚊，$138/1.5小時、$158/2小時、$178/2.5小時，勁抵👍🏻宜家出街食飯普普通通都過二百一個人，而且仲要係任飲任食，真係好抵食！