潮窩 (Closed)

早幾天同朋友去左紅磡附近見面食飯，見有間火鍋私房菜，特登過黎試下。餐廳環境坐得好闊落同舒服。天氣凍凍地叫左個秘製雞煲。雞夠新鮮滑嫩，而且落左好多配料味道濃，唔會淡茂茂。熟食方面叫左叫椒鹽金磚豆腐粒，外脆內軟，必點熟食! 火鍋配料我地點左安格斯牛肉粒，食落好新鮮好有牛味，食得出唔係雪藏牛肉粒，讚! 仲有點左好特別既芥末墨魚丸，墨魚丸裡面有流心芥末，唔會好辣但又好特別! 如果中意食芝士既話，必推手工芝士牛肉餃，師傅自己新鮮手打，食多幾粒都仲想encore! 呢度既紫菜響鈐都係好特別，唔係間間火鍋都有!飲品點左原個椰青水，食火鍋配椰青水又出奇地夾同解渴。