Domon 居酒屋 (淘大商場3期) (Closed)

九龍灣一直都好多好餐廳，尤其喺淘大商場地下嗰層，真係越開越多餐廳，今日揀咗間日本餐廳試吓，都幾抵食！黑松露牛拖羅卷黑松露香味好重，牛拖羅入口即溶，配上玉子同埋青瓜，口感唔錯。牛小排壽喜鍋牛小排好嫩，份量好跳，壽喜燒湯底濃郁，調味岩岩好。燒菠蘿燒菠蘿一直係我食串燒嘅首選，燒完之後甜味更加突出！士門串燒盛秋葵同雞翼juicy，牛舌亦都唔會太硬。特盛牛肉鰻魚飯珍珠米煮得好軟熟，牛肉同埋鰻魚份量亦都好多！