瀧神日本料理 (Closed)

每日中午，在觀塘食個Lunch，多數都要排隊等位。今日天氣真係熱到一個點，見駿業街紅茶條龍都係慣常咁長，決定放棄唔排走去對面熟食市場快快食完個Lunch就返Office。行到熟食市場，上了一樓搵下有咩食，因為聽同事講，一樓格局同地下大排檔有好大分別，上面係一間間小店咁樣，有點似Food Court。行了一個圈，發現有一間日本料理門面很特出，用上日式紙門，位置在中間果行，百里香旁邊，見門口寫住都係$50起Lunch Set，一個人又唔使等位，就走入去試試。入到去，很難想像熟食市場入面會有一間咁樣裝修既餐廳，完全唔覺得在熟食市場食Lunch，冷氣十分足夠，環境乾淨，仲播住日本歌曲，有點居酒屋既Feel，不過有其他人在場，唔太方便影Menu有14款Lunch Set，全部都送前菜，汽水，見環境衛生都有返咁上下水準，就點了什錦魚生飯食下賣相唔錯，足料，飯好大碗，而且醋味剛剛好，魚生就一般野啦，不過以$68一個Lunch Set來計，CP值相當高，下次叫埋同事一齊來再幫親