Video
Read full review
2022-10-30
3273 views
久違嘅Afternoon Tea～難得平日放假就同媽媽來到馬哥孛羅酒店意大利餐廳Cucina呢嗰貴婦下午茶！Cucina最近同澳洲香薰護膚品牌CANVAS聯乘推出縈繞香調下午茶，以 CANVAS精純香薰油系列為靈感，結合美食與香薰美學，令客人可以度過一個悠閒紓壓嘅下午！一入餐廳，我就被Cucina嘅無敵維多利亞港大海景所吸引，單係望住呢個海景已令人心情舒暢呢！呢個下午茶set超級打卡，鹹點甜點都放喺金色熱氣球三層架上，熱氣球外圈仲可以旋轉，超別緻！意大利總廚親自介紹每款小食之後，仲為下午茶噴上有機佛手柑香薰油，未食已經聞到陣陣佛手柑香，香氣縈繞，令人心情放鬆！【鹹點】北海道帶子蘋果半蟹肉魚子醬及佛手柑蘑菇松露芝士迷你脆筒鴨肝醬伴芒果啫喱意式蕃茄羅勒紅洋蔥多士雞肉泡芙茴香及黑椒醬【甜點】紅桑子棒棒糖玫瑰芝士蛋糕薰衣草意式奶凍洋甘菊貝殼小蛋糕綠茶馬卡龍提子鬆餅青檸羅勒士多啤梨慕絲伴玫瑰泡沫配兩款飲品Lucille (血橙茶、薰衣草糖水、羅勒及小紅莓汁) Melody (洋甘菊、菠蘿汁、橙皮糖水) Destiny (芒果蜜桃茶、蘋果汁、桂花糖水、佛手柑)Macro Polo Earl Gra
難得平日放假就同媽媽來到馬哥孛羅酒店意大利餐廳Cucina呢嗰貴婦下午茶！
Cucina最近同澳洲香薰護膚品牌CANVAS聯乘推出縈繞香調下午茶，以 CANVAS精純香薰油系列為靈感，結合美食與香薰美學，令客人可以度過一個悠閒紓壓嘅下午！
一入餐廳，我就被Cucina嘅無敵維多利亞港大海景所吸引，單係望住呢個海景已令人心情舒暢呢！
呢個下午茶set超級打卡，鹹點甜點都放喺金色熱氣球三層架上，熱氣球外圈仲可以旋轉，超別緻！意大利總廚親自介紹每款小食之後，仲為下午茶噴上有機佛手柑香薰油，未食已經聞到陣陣佛手柑香，香氣縈繞，令人心情放鬆！
【鹹點】
北海道帶子蘋果半蟹肉魚子醬及佛手柑
蘑菇松露芝士迷你脆筒
鴨肝醬伴芒果啫喱
意式蕃茄羅勒紅洋蔥多士
雞肉泡芙
茴香及黑椒醬
【甜點】
紅桑子棒棒糖
玫瑰芝士蛋糕
薰衣草意式奶凍
洋甘菊貝殼小蛋糕
綠茶馬卡龍
提子鬆餅
青檸羅勒士多啤梨慕絲伴玫瑰泡沫
配兩款飲品
Lucille (血橙茶、薰衣草糖水、羅勒及小紅莓汁)
Melody (洋甘菊、菠蘿汁、橙皮糖水)
Destiny (芒果蜜桃茶、蘋果汁、桂花糖水、佛手柑)
Macro Polo Earl Grape Iced Tea
*享用下午茶可免費獲贈 CANVAS 玫瑰嫩肌防曬套裝 (價值港幣 330) 換領券及 CANVAS 購物禮遇
鹹點及甜點都以香薰油為靈感，總廚 Andrea 甚至從黑胡椒香薰油及甜茴香香薰油兩款香氣較濃郁的香薰油中得到啟發，自家研製出茴香黑胡椒醬，並且以小牙膏做包裝，食嘅時候擠在各式鹹點之中，令到味道更有層次！
咁多款鹹點中，我最鍾意北海道帶子蘋果伴蟹肉魚子醬，帶子柔軟鮮甜，墊住蘋果蟹肉沙律，面頭再放上矜貴嘅魚子醬，配搭新鮮茴香黑椒醬，聞著佛手柑油嘅香氣，整個味道非常豐富！鴨肝醬伴芒果啫喱脂香豐腴，酸甜嘅芒果啫喱平衡膩感，好食！
甜品賣相精緻，充滿少女心！我最欣賞甜品整體嘅甜度都恰到好處，唔會太甜！
薰衣草意式奶凍、洋甘菊貝殼小蛋糕及青檸羅勒士多啤梨慕絲伴玫瑰泡沫分別糅合 CANVAS 精純香薰油系列中嘅薰衣草、洋甘菊、青檸、羅勒及玫瑰各種植物及果物精華，食落有淡淡花香之餘，味道又唔會好假好人工，都幾特別。鬆餅牛油香唔太突出，但口感尚算鬆化，唔會因為打卡擺耐咗而變硬！
下午茶已經包咗每人一杯特飲，可以4款選擇。其中頭3杯係呢個Canvas下午茶獨有嘅！
我哋4人一次過試晒4款，Lucille酸甜開胃，Destiny蜜桃果香清新，不過我最推薦嘅都係Macro Polo 招牌伯爵葡萄冰茶！
Iced Tea放有接骨木花糖漿冰塊及無核青提，然後店員即席倒入紅茶，冰茶消暑解渴，接骨木花糖漿冰塊溶掉時，唔單止唔會令到味道沖淡，反而帶出接骨木花香味，好特別！點呢杯Earl Grape Iced Tea仲會配埋新鮮烘焙嘅Turkish Delights，值得一試！
下午茶只係供應至11月8日，有興趣記得把握時間一試！
Post
