Video
Read full review
2024-08-02
4526 views
平時唔多去四手，有興趣嘅都通常預早好多book，反而有朋友send 左呢個menu俾我問有冇興趣，CulinArt 1862一次都無去過，見地點價錢都覺得幾好就試下。雖然係town gas嘅餐廳，但廚都有番咁上下，Chef Emmanuel Souliere係巴黎人嘅行政總廚，又係金沙同Sands同好多唔同嘅Hilton酒店都做過，佢今次聯合左Chef Shine Chiu，CulinArt 1862嘅總廚一齊落場，做咗一個唔錯嘅四手晚宴。$1,288 一位有六個course嘅Menu都算幾精美，想飲酒就加$888 有Wine Pairing，看你是否喜歡飲酒，如果係，價錢都唔算天價，而質素都幾好。Amuse Bouche有三個Sweet Potato & Lavender 係甜蕃薯及薰衣草，係Alaskan Crab Croquette 阿拉斯加蟹肉餅，Foie Gras Mousse都幾好，入口係勁濃嘅Foie Gras 香。吃左幾款嘅麵包加自家製嘅辣醬同橄欖油，so far幾好。Purple Artichate Bargont係法式烤雅枝竹「巴里古」，未試過咁食雅枝竹，再加個湯，
平時唔多去四手，有興趣嘅都通常預早好多book，反而有朋友send 左呢個menu俾我問有冇興趣，CulinArt 1862一次都無去過，見地點價錢都覺得幾好就試下。
雖然係town gas嘅餐廳，但廚都有番咁上下，Chef Emmanuel Souliere係巴黎人嘅行政總廚，又係金沙同Sands同好多唔同嘅Hilton酒店都做過，佢今次聯合左
Chef Shine Chiu，CulinArt 1862嘅總廚一齊落場，做咗一個唔錯嘅四手晚宴。
$1,288 一位有六個course嘅Menu都算幾精美，想飲酒就加$888 有Wine Pairing，看你是否喜歡飲酒，如果係，價錢都唔算天價，而質素都幾好。
Amuse Bouche有三個Sweet Potato & Lavender 係甜蕃薯及薰衣草，係Alaskan Crab Croquette 阿拉斯加蟹肉餅，Foie Gras Mousse都幾好，入口係勁濃嘅Foie Gras 香。吃左幾款嘅麵包加自家製嘅辣醬同橄欖油，so far幾好。
Purple Artichate Bargont係法式烤雅枝竹「巴里古」，未試過咁食雅枝竹，再加個湯，印象都幾深刻難忘。
旁邊送上嘅黑松露撻絕對非常精彩，未試過成個口腔都充滿着新鮮而強烈嘅黑松露香。
Lobster Consomms係法式龍蝦清湯，用上番茄果凍同Kristal 魚子醬，高貴到不行，魚子醬嘅味同清新嘅龍蝦湯形成強烈嘅對比，件龍蝦都掌握得好好，呢個係黑松露撻後另一深刻嘅菜式。
Grilled Turbat，多寶魚以外再有新鮮大蜆加上Ratatouille 意大利雲呑，以Tortellini Basil 醬汁來煮，再加上佢個醬汁用上好多嘅魚骨煲咗嘅湯來煮個雲呑，都幾特別，節瓜花用上好似天婦羅咁嘅方式嚟炸，炸得好好，個魚又係煮到最優質狀態，雪白嘅魚肉咬入去口感一流，怪不得係Chef Emmanuel Souliere嘅得意菜式。
Australian Dagyn Ribeye 呢個澳洲和牛肉眼排，加上黑蒜汁有另一番風味，配菜係馬鈴薯千層方塊，最難忘反而係佢用上方塊嘅形式去做個馬鈴薯，好有口感同風味，Chef Shine Chiu相反風格比較內斂低調，走傳統路線。
甜品係杏仁玫瑰雪糕配薰衣草，雪糕非常精彩，旁邊加上紅桑子同開心果，好refreshing，解了和牛嘅油膩，食完呢個就覺得Chef Emmanuel 今晚表現滿分。
PetieFours 基本上起法國菜住傳統嘅甜品，Canele係我favorite ，其他朱古力類甜品都係正常發揮。
可惜前嗰排飲酒太多，要detox下，聽朋友講係第二枱食有飲Brut Rosé NV，Maso Cantanghel - Sauvignon Blanc，仲有Le Potazzine Brunello di Montalcino 2017，Marco Capra Moscato D'asti 'Bricco Delle Merende' 2023，Montonale 'Orestilla' Lugana 2018，朋友話幾隻酒都pair得唔錯，價錢都唔算太貴，如果仲有機會都可以試吓pair吓。
不過聽講呢次四手都幾受歡迎，期待下次再有機會可以試吓另一個Menu 。
Post
