Video
Read full review
2022-09-29
97 views
期待已久的 QUÉ，終於在9月28日開張🎊率先試一試晚餐，大概 5:45 pm 到店，店員在 internal briefing，話 6點才開門，於是我們周圍行吓，6點再返去，店員話第一日開張仲有啲嘢預備，大概 6:30 pm 先開。專程黎試，無理由唔等嘅，於是乎又行咗半個鐘，6:30 pm再返去時已經有幾臺人坐低食緊飯。裝修優雅的門面，有棵大樹俾人放鬆嘅感覺，店員話淨係棵樹都搞咗差唔多一個月（？）😆 大家黎到不妨細心欣賞一下。日本蟹肉甲羅燒飯配蟹籽及海膽忌廉汁 $198 個名好長😂 簡稱 crab risotto 蟹殼非常吸睛，裡面是滿滿的蟹肉蟹膏蟹籽，將佢哋撈晒落飯度一齊食，啖啖蟹膏味道，配合海膽汁煮嘅義大利飯同芝士片，香味濃厚，層次豐富。義大利飯比較硬身少少，好有咬口，但如果鍾意煮得軟啲嘅人就未必喜歡。Chocolate hazelnut Q-ue cake立方體粒形狀的蛋糕非常可愛上面的紙牌背面是可愛的白貓（冇影相，大家自己去睇吓啦），旁邊有一支細細支嘅朱古力雪糕筒。表面是黑朱古力粉，有少少朱古力醬，裡面是口感軟滑的朱古力慕斯，包裹住鬆軟的海綿蛋糕、烤榛子粒、炸米同焦糖混合而成
率先試一試晚餐，大概 5:45 pm 到店，店員在 internal briefing，話 6點才開門，於是我們周圍行吓，6點再返去，店員話第一日開張仲有啲嘢預備，大概 6:30 pm 先開。專程黎試，無理由唔等嘅，於是乎又行咗半個鐘，6:30 pm再返去時已經有幾臺人坐低食緊飯。
裝修優雅的門面，有棵大樹俾人放鬆嘅感覺，店員話淨係棵樹都搞咗差唔多一個月（？）😆 大家黎到不妨細心欣賞一下。
日本蟹肉甲羅燒飯配蟹籽及海膽忌廉汁
$198
20 views
0 likes
0 comments
日本蟹肉甲羅燒飯配蟹籽及海膽忌廉汁 $198
個名好長😂 簡稱 crab risotto
蟹殼非常吸睛，裡面是滿滿的蟹肉蟹膏蟹籽，將佢哋撈晒落飯度一齊食，啖啖蟹膏味道，配合海膽汁煮嘅義大利飯同芝士片，香味濃厚，層次豐富。義大利飯比較硬身少少，好有咬口，但如果鍾意煮得軟啲嘅人就未必喜歡。
Chocolate hazelnut Q-ube
$72
29 views
0 likes
0 comments
Chocolate hazelnut Q-ue cake
立方體粒形狀的蛋糕非常可愛上面的紙牌背面是可愛的白貓（冇影相，大家自己去睇吓啦），旁邊有一支細細支嘅朱古力雪糕筒。
表面是黑朱古力粉，有少少朱古力醬，裡面是口感軟滑的朱古力慕斯，包裹住鬆軟的海綿蛋糕、烤榛子粒、炸米同焦糖混合而成的「榛子果仁糖」，食落去好似 brownie 咁，底層再有一層朱古力海綿蛋糕。雪糕好似 H 字頭的 chocolate ice cream，有一片片朱古力片。
蛋糕只需一個字概括：正！
本來想要抹茶蛋糕，無奈已經售罄，明明未開店前見到門口有十幾個，點知開店一陣已經俾人買晒😭 焙茶蛋糕一樣開店一陣已經售罄，好失望，好彩朱古力蛋糕都好好食🥲 希望餐廳以後可以整多啲蛋糕。
今日唔算好肚餓，少少地試下味，下次應該會叫個二人 set 會比較抵食。
影個 lunch set menu 俾大家參考下。
走嘅時候打算外賣一個蘋果批，新張期間 $78（原價$98）。
可惜......又售罄😑
整體上餐廳食物水準高，環境舒適，空間感足，有待改善的是甜品供應數量！另外上餐速度比較慢，risotto 只是比室溫暖少少，沒有熱辣辣的感覺。埋單嗰陣可能部卡機未 set 好，三張卡都俾唔到錢，好彩有帶現金，如果唔係要留底洗碗喇（如果喺度做可以食蛋糕我又唔介意呀）。
新開嘅餐廳難免有啲混亂，不過值得一讚嘅係店員都非常親切，服務態度超好！係難得一見咁好笑容嘅店員呀，個個都好樂意同你傾計咁~ 店員嘅服務咁好，令我覺得所有不足都可以原諒，相信俾啲時間就會改善。見到店員似乎做得好開心，希望可以保持住
下次一定要食到抹茶蛋糕！！！！！！！
Post
