茶星人 (富康花園) (Closed)

將軍澳唔止Café少，連台式飲品都少之有少，所以最近發現富康開左【茶星人】真係勁開心！即刻買返兩杯送外賣食~《Darling薄荷青瓜梳打 $30》見到呢款做緊Promotion，一於試下佢~賣相勁靚，又紫又綠，入口即時有薄荷的清涼感，其後有淡淡的青瓜香氣，感覺清新舒暢，再有梳打的碳酸刺激感，飲完有種爽涼、解暑的痛快感。《芝芝桃桃 $33》店員推介芝芝芒芒，自己心思思想試芝芝桃桃，本來以爲係水蜜桃，原來佢地係用黃桃，平時比較少飲到，幾有新鮮感。黃桃肉質實淨d，多汁爽甜，無酸味，芝士奶蓋口感香滑濃稠，味道鹹甜適中，加埋最底的沙冰，配搭一流。