Coffever (Closed)

放工同朋友食飯，朋友揸旗話想試呢間。3個人點左3個set dinner，每個set有前菜，我就揀左秋葵豆腐，份量唔大，唔重味，開吓胃咁。餐湯就人人都係西蘭花忌廉湯，幾滑，都食到有少少西蘭花碎，味道適中。雖然呢度係主張慢煮，但大家傾住偈，所以都唔覺等好耐。首先係香草春雞，因為慢煮，啲肉幾滑，個雞皮都幾好味，啲米型粉咬落幾得意，少少彈牙。之後係手撕豬溫泉蛋意粉，手撕豬幾好食，意粉就正常入味。第3樣係慢煮安格斯牛扒，砌好哂上碟，啱哂我地啲懶人。個牛扒易咬，雖然見到佢仲係紅色，但已經熟左，所以朋友唔食生野都食到。最後係餐飲同甜品，甜品幾款都好味，如果諗唔到點揀好，應該求其揀都唔會失望。今餐大家都食得滿意傾得開心，如果黎食飯一定要預訂，因為地方唔算大。