同撈同煲 (堅拿道西)

Open Now

Now Closed

晚上嚟咗呢一間打邊爐食雞煲火鍋。叫咗個火焰雞煲，另外再配豆卜。落完單職員就會俾你揀醬料，可自行調配想要嘅醬。雞煲上枱後加左酒變火焰再炒香，雞煲醬汁底幾香濃，少少辣，豆卜吸晒啲醬汁好野味。食完雞煲職員就會再加湯開始打邊爐。其他配料點左本地手切牛肉、黑牛栢葉、田園拼盤、即炸響鈴。手切牛肉嘅肉同牛脂比例一半半，牛味正常黑牛栢葉幾爽口。田園拼盤有粟米、蕃茄、皇帝菜、生菜、油麥菜，份量都幾足夠，蔬菜幾新鮮。最後甜品係啫喱同懷舊糖不甩，滿足！