福岡漢堡扒 (鴻威大廈)

Open Now

Now Closed

今次嚟到旺角區，一於同朋友去試吓呢間福岡漢堡扒嘅漢堡。重心推介：餐廳係選⽤100%澳洲和⽜，而佢哋嘅兩人套餐內容非常豐富！我哋最後揀咗ver2，套餐包含2份唔同口味嘅漢堡扒、飯、沙律、麵豉湯及泡菜，我哋仲升級咗做特飲！套餐 - 和牛漢堡扒墨西哥辣椒口味味道比較辛辣，而且辣得過癮。芝士蛋蒜和牛漢堡扒亦都好出色，啖啖蒜香味，仲有烤過嘅蒜片，會特別香脆，正！一嚟到就會見到冒煙嘅⾼溫熱⽯，跟著係上面放⼀⼩團漢堡扒肉輕烤兩⾯，⾁味飄香，可以自己煎到外脆内軟，仲可以沾醬一齊食，令⾁味更香濃，別有一番風味！＊當熱石用了一段時間，就會唔夠熱，記得有需要可以叫職員幫手換一塊熱石！＊和牛乒乒乓拌飯呢個飯令人有驚喜，上面有打碎嘅和牛同太陽蛋，拌飯入口非常香，有淡淡嘅麻油香，再配埋韓式辣醬，非常惹味！另外，配搭上漢堡扒一齊食，可以減低漢堡扒嘅油膩感！百香果特飲 & 巨峰提子特飲天氣炎熱，飲佢哋出品嘅百香果特飲 & 巨峰提子特飲超香甜又清涼，而且飲品都好大杯，個人比較喜愛百香果，味道相當出眾！讚！