Video
Read full review
2010-10-14
109 views
10-10-2010喺飲食雜誌見到關於呢度的介紹, 覺得應該係似樣的西餐廳, 是日一行 4 人訂定檯嚟試試. Set dinner 唔太吸引, 唯有全數 a la carte 吧, 最後叫了一人一 main, 再 share 食 2 款 starters 及 4 款甜品, 我又另叫了一個湯獨飲, 食物整體又不錯喎:-Starter #1 Garlic prawns: 剛好一人一隻, 蝦肉爽口結實, 蒜片就夠味但脆得有點硬; 不過兩者各自各精彩的, 加上浸了下面份量太多的 olive oil, 油溼溼的, 唔算十分喜歡.Starter #2 白酒蒜蓉煮蜆: 阿爸阿媽猛話 d 蜆細隻, 我就覺得最大問題係 herbs (係 basil leaf?) 味太搶, 汁液又離奇地有點酸澀, 蜆仔鮮味又一般, 即使火喉剛好都唔好食.湯係 lobster bisque: 質地杰身, 飲落濃度一般, 不過都有點蝦膏及蝦殼味, 亦有爽口的粒粒龍蝦肉, 比福佬村道嗰間的 (http://www.openrice.com/restaurant/commentdetail.htm?commentid
10-10-2010
喺飲食雜誌見到關於呢度的介紹, 覺得應該係似樣的西餐廳, 是日一行 4 人訂定檯嚟試試. Set dinner 唔太吸引, 唯有全數 a la carte 吧, 最後叫了一人一 main, 再 share 食 2 款 starters 及 4 款甜品, 我又另叫了一個湯獨飲, 食物整體又不錯喎:-
Starter #1 Garlic prawns: 剛好一人一隻, 蝦肉爽口結實, 蒜片就夠味但脆得有點硬; 不過兩者各自各精彩的, 加上浸了下面份量太多的 olive oil, 油溼溼的, 唔算十分喜歡.
Starter #2 白酒蒜蓉煮蜆: 阿爸阿媽猛話 d 蜆細隻, 我就覺得最大問題係 herbs (係 basil leaf?) 味太搶, 汁液又離奇地有點酸澀, 蜆仔鮮味又一般, 即使火喉剛好都唔好食.
湯係 lobster bisque: 質地杰身, 飲落濃度一般, 不過都有點蝦膏及蝦殼味, 亦有爽口的粒粒龍蝦肉, 比福佬村道嗰間的 (http://www.openrice.com/restaurant/commentdetail.htm?commentid=1991582) 好少少, 算係咁的; 旁邊的 toast 反而好好食, 應該塗了少少橄欖油先烘/焗, 食落又香又脆, 正
Main #1 Spaghettini with prawns in anchovy sauce: 呢碟係細佬的主食, 所以只試了少少 spaghettini (我又唔覺得佢幼過 spaghetti 好多...), anchovy sauce 香到呢 質地 al dente 得很, 亦「掛汁」得很, 好好食喎
Main #2 Linguine with clams: 阿媽的主食, 所以又係只試了少少蜆及 pasta (餐牌明明寫 "linguine", 點解嚟到變了 "spaghetti"?)... 醬汁係 cream sauce, 食落香滑又唔飽膩, pasta 亦同上述 spaghettini 一樣又「掛汁」又 al dente, 正 Clams 就嫩滑無沙又鮮甜, 配 cream sauce 比 starter 的所謂「白酒蒜蓉」好食得多!
我就食 slow-cooked French game hen: 賣相普通, 但雞肉煮得極嫩, 食落帶點帶 rosemary 香, 連雞皮都係鬆脆唔油的, 正! 旁邊的 grilled veggies 微燶, egpplant 夠香口, 中間夠軟熟, 紅椒就無食了 仲有炸 potato wedges, 食落少少辣, 味道似足某 burger 店的 spicy fries (http://www.openrice.com/restaurant/commentdetail.htm?commentid=2034241), 薯肉粉軟, 亦炸得唔油, 好食喎.
Main #4 Rack of lamb: 阿爸要求「5 成熟」(其實即係點?), 嚟到就係 medium-rare, 粉紅色的肉賣相勁吸引, 食落羊味一般, 但質地嫩腍細緻又 juicy, 好好食喎 店方亦預先塗了少少 mint 味的醬, 味道唔會太搶, 不過羊架本身做得咁好, 就咁食已夠好食了. 4 款 main 我覺最好食係佢, 值得試試.
鹹食不錯, 不過甜品就做得麻麻了:-
Creme brulee: 面層焦糖夠薄脆香甜, 但唔夠熱喎 下面的 custard 就勁嚡, 仲要係冰凍的, 真係 唯一好處, 應該就係甜度唔高, 無咁飽膩?
Souffle: 都唔鬆唔「一陣風」, vanilla 味又淡淡的, 唔好食.
Molten chocolate cake: 心太軟幾時都係穩陣之選, 呢度的亦可幸無穿無爛... 蛋糕焗得有點太乾身, 食落較嚡; 不過中間的確軟心, 朱古力 sauce 亦幾香濃, 甜度剛好, 配上奶味幾重又夠幼滑的呍呢嗱雪糕, 都幾難唔好食吧.
Apple pie: 其實係 apple tart a la mode, 啱晒我 酥皮做得鬆脆, 不過蘋果片係本身勁酸, 又無 caramelised 過的青蘋果, 雖然食落幾清爽, 但酸到呢 好在有球香滑呍呢嗱雪糕「加甜」一下!
最後亦叫了杯 caffe latte, 咖啡底夠濃夠香又夠啃, 不過太苦澀了, 奶味亦太唔夠, 面頭鬆散奶泡仲要「洗潔精」一樣, 作為一杯 caffe latte 太討厭了, 唯有當佢普通咖啡飲就算.
鹹食不錯, 環境就昏昏暗暗的, 而是日同場食客太嘈了, 其實出街食飯講嘢點解要咁大聲? 招呼就一般, 明明訂了「4 位」檯, 入到去店內又明明得兩檯客, 店員卻左顧右盼, 跟住問我哋「介唔介意」坐門口嗰張 4 人檯 雖然大家堅持下終於唔使看門口了, 但安排有無混亂 d 呀? 不過店員們態度都 ok 的, 算吧.
整體印象不錯, 連加一埋單每人約 $255 絕對唔貴 (其實唔明點解有人覺得喺九龍城食過百蚊西餐叫「貴」/「唔抵食」, 去尖沙咀飲 4 杯 30 幾 40 蚊的「星」字頭連鎖「咖啡味水」又好抵嗎?), 亦幾開心九龍城終於多一間似樣的西餐廳, 會再來的.
Post
