彩食酒宴 (Closed)

2008年3月3日7:00pm，一行四人去左銅鑼灣千禧廣場有間叫EN既日本料理，$320放題任食和牛加長腳蟹。嘩！坐低就知道有D唔對路，有幾位中國籍女侍應埋黎放低menu，我地隔一陣就決定落order，咁叫返個waitress，點知佢話唔可以做落單，叫左第二個過黎，埋黎之後發現係一名應該係菲律賓籍既supervisor之類，一定要用英文落order，講真我英文就真係company limited，咁你就好叫件講中文既埋黎啦，無！好，我唯有用埋身體語言落囉，叫做落到，算數~ 但係全場都唔見有老外囉。跟住想開支sake飲下，打開wine list，好多款式，有D (+3)(+4)(+6)(+15)(-3)既符號響D酒名側邊，咁我地咪問個waitress囉，點知佢又話唔知點解，又叫返亞賓哥黎，經過一輪交手，都嗲掂。好，算數！開餐，D牛唔掂，D蟹唔掂，大佬呀，你用依兩個做主打，居然係唔掂，點呀？D牛要一次過夾起碼五片先至覺得有野入口，夾一片會"六"唔到，會唔見左，D牛完全無牛味，D蟹腳好大隻喎，開左之後，篤極都無乜肉跌出黎，挍剪又唔利，唉！唯為係咁食菜。已經無乜期望，叫亞賓生加D湯食埋佢，點知