Video
Read full review
2024-12-21
196 views
🔆《GoodDay Cafe》由始祖銅鑼灣小店到葵涌KCC店到啟德Solar店再嚟到旺角朗豪坊店，熊妹都可以話係睇住佢嘅轉變，可以話係食勻港九新界各分店，今次最新嘅朗豪坊店，當然要帶埋韓妹嚟捧場一下啦！📌適逢韓妹就嚟生日，韓妹又鍾意食日式又鐘意食西餐，就嚟呢間日系洋食cafe同佢慶祝生日啦🥳！📌《GoodDay Cafe》位於朗豪坊11樓，搭𨋢直上11樓上半層樓梯就係，地理位置係有史以來最方便！環境好大，以白色及啡色木系🪵為主，感覺好光鮮💡，簡潔得來又好時尚，樓底好高，空間感好大，以四人圓枱同四人方枱居多，好適合年青人們來歇腳唞一唞，hea一hea，chill一chill💨。Happy Share 2人晚餐，$438可以揀前菜沙律或者小食拼盤，然後一款意粉或者飯食，再加一款主菜或者pizza或者漢堡，再跟一件是日蛋糕或者加$78可配半份窩夫，另外仲包兩杯飲品。前菜沙律 - 哈密瓜，牛油果，車厘茄，煙三文魚水耕菜沙律套餐包沙律實在太開心啦！餐前食吓沙律，有啲纖維疊下個胃，咁先可以盡情食大餐啦！切粒的哈密瓜🍈牛油果🥑，車厘茄切半🍅，仲有切碎的煙三文魚🐟，撈埋水耕沙律菜🥬，全部都好清新，好新
🔆《GoodDay Cafe》由始祖銅鑼灣小店到葵涌KCC店到啟德Solar店再嚟到旺角朗豪坊店，熊妹都可以話係睇住佢嘅轉變，可以話係食勻港九新界各分店，今次最新嘅朗豪坊店，當然要帶埋韓妹嚟捧場一下啦！
📌適逢韓妹就嚟生日，韓妹又鍾意食日式又鐘意食西餐，就嚟呢間日系洋食cafe同佢慶祝生日啦🥳！
📌《GoodDay Cafe》位於朗豪坊11樓，搭𨋢直上11樓上半層樓梯就係，地理位置係有史以來最方便！環境好大，以白色及啡色木系🪵為主，感覺好光鮮💡，簡潔得來又好時尚，樓底好高，空間感好大，以四人圓枱同四人方枱居多，好適合年青人們來歇腳唞一唞，hea一hea，chill一chill💨。
0 views
0 likes
0 comments
Happy Share 2人晚餐，$438
可以揀前菜沙律或者小食拼盤，然後一款意粉或者飯食，再加一款主菜或者pizza或者漢堡，再跟一件是日蛋糕或者加$78可配半份窩夫，另外仲包兩杯飲品。
前菜沙律 - 哈密瓜，牛油果，車厘茄，煙三文魚水耕菜沙律
0 views
0 likes
0 comments
套餐包沙律實在太開心啦！餐前食吓沙律，有啲纖維疊下個胃，咁先可以盡情食大餐啦！
切粒的哈密瓜🍈牛油果🥑，車厘茄切半🍅，仲有切碎的煙三文魚🐟，撈埋水耕沙律菜🥬，全部都好清新，好新鮮，撈上嘅沙律酸汁又好開胃。
濃香啡白蘑菇忌廉醬百香里，粟米筍，薯仔粉
0 views
0 likes
0 comments
濃香啡白蘑菇忌廉醬百香里，粟米筍，薯仔粉
0 views
0 likes
0 comments
濃香啡白蘑菇忌廉醬百香里，粟米筍，薯仔粉
0 views
0 likes
0 comments
主食揀了一款意粉，薯仔粉係由薯仔🥔、麵粉、雞蛋🥚組成嘅一粒粒圓形粉團，配料有切粒嘅蘑菇🍄🟫同埋粟米筍🌽，全部粒狀一匙羹🥄一啖好易放入口，撈上白汁味道濃稠，同蘑菇味道好夾，食食吓仲有好爽口嘅粟米荀，成碟薯仔粉用料配撘幾唔錯！
日式釡鍋自家煮膠原元氣雞湯日本舞茸菇，三黃雞香蔥炊飯
0 views
0 likes
0 comments
日式釡鍋自家煮膠原元氣雞湯日本舞茸菇，三黃雞香蔥炊飯
0 views
0 likes
0 comments
一客釡飯擺上枱，好震撼喎！直程用上日本傳統釡鍋呈上，釡窩裏裝上珍珠米、三黃雞肉、日式舞茸菇、人蔘片同埋自家熬煮嘅養生滋補雞湯，窩下燃點着蠟燭火🕯️，係可以足足望住炊飯成個過程，仲有陣陣飯香嘅味香氣散發出來🌬️，成件事好特別啊！
日式釡鍋自家煮膠原元氣雞湯日本舞茸菇，三黃雞香蔥炊飯
0 views
0 likes
0 comments
濃香開心果糖不甩窩夫配雪糕
0 views
0 likes
0 comments
好朋友生日，梗係點個夠份量的甜品，同佢甜甜蜜蜜一下啦！
濃香開心果糖不甩窩夫配雪糕
0 views
0 likes
0 comments
抹茶拿鐵
0 views
0 likes
0 comments
用上日本滋賀縣抹茶粉混合牛奶打成的抹茶拿鐵，典型嘅心形奶泡層打得夠厚，遲遲都沒有溶化掉出小氣泡，抹茶粉同牛奶嘅比例恰到好處，香濃嘅抹茶味道會滲出淡淡嘅牛奶味🥛，所以話咖啡店經營嘅沖調飲品絕對無可置疑 ！
10年陳皮冰糖燉檸檬
0 views
0 likes
0 comments
養生的韓妹當然叫返杯養生的飲品，10年陳皮燉嘅檸檬熱飲飲落好滋潤，味道偏甜帶點酸味，秋冬季節🍂飲真係好滋潤喉嚨！
📌唔揀dinner set，都有好多cafe 單點美食，手打漢堡、意粉、Pizza、小食、日式定食、甜品、主菜、飲品全部都有四五款，比起以前仲加入左日式元素，款式多好多，黎到新鋪新位置，睇嚟轉型咗唔少！
0 views
0 likes
0 comments
Post
