EXP

Open Now

Now Closed

今日約左朋友係九龍塘食飯，EXP 係一個好選擇。大蝦西柚芒果蕎麥麵 - 蕎麥麵硬身左D，但其他材料都好新鮮，夏天食真係一大享受。軟殼蟹沙律 - 超級大分，而且軟殼蟹分量都唔少，雖然價錢唔係平，但都叫一分錢一分貨，軟殼蟹外脆內滑，配上新鮮沙律菜味道一流。大蝦牛油果薄餅 - 朋友話EXP 的 PIZZA 真係必定要叫，差不多每檯都會叫一個，我地選左大蝦牛油果薄餅，真係好足料，而且加埋千島醬真係好好食。燒雞肉茄汁意粉 - 雖然雞肉較細粒，但個醬汁加上芝士同樣好食，只係相比其他款式比較失色。整體而言，EXP 雖然係美心集團的餐廳，但食物味道真係唔錯，而且價錢係九龍塘來講算合理，只係近住溜冰場真係太嘈，唔方便傾計，但好大機會會再來食的。