The Pawn (Closed)

好耐未試過好西，今次來試下灣仔 the Pawn，押舖。呢間野大大話話都開左十年有多，酒就飲過幾次，但係食飯都係第一次。中午食飯來講，個 menu 都算貴啦，所以大家坐得好舒服，環境好清幽，張凳都係靚 d 既。咁啱龍蝦做特價，188 加一，咁就試下啦。再叫多個青口，個人口味。side 就叫左個椰菜，幾個人都夠食。先講波士頓龍蝦，出名係細隻 d，勝在夠鮮。個尾係細細條，無咩肉食，廚師整左好多芝士、蘑菇同其他配料一起，幾好味。如果要食龍蝦既鮮味呢，就要由隻鉗入手，因為龍蝦係蒸既，個殼保持住獨特龍蝦鮮味，仲有鹹鹹地既海鮮味。講返青口，個汁就真係一流，青口都非常新鮮！未試過咁食椰菜，幾特別。