海記魚蛋粉麵 (Closed)

比起鋸扒、意粉個d，其實更鍾意食下湯粉麵，放假同屋企人走嚟整返碗做午餐，附近最好食算係海記，起碼衛生好過出面個間🤭叫咗碗牛腩河 $35，每次都係勁多舊牛腩，多到分咗d 俾屋企人食，佢d 牛腩唔似出面有d 舖頭勁深色，又夠淋，好正，河粉又唔會碎晒爛晒咁，不過今日個湯好似淡咗d 。屋企人就食牛筋魚蛋河 $44 ，牛筋又係好多，反而魚蛋得兩粒😂😂，牛筋我都夾咗兩舊嚟食，都幾正，口感幾好。另外加咗魚皮 $11，叫咗粉麵加先係$11 ，如果單點一碟好似$20定$21，佢個魚皮一向都幾好食，平時打邊爐嘅話都會走嚟佢度買，唔會過咸，唔會一浸就淋到呀媽都唔認得。