海記魚蛋粉麵 (Closed)

今次又踩到海記啦，今日特意嚟試吓佢哋個牛腩牛筋河。第一啖，牛腩就已經戳中我個味蕾🎯，腩頭炆得入味,咬落腍而唔散，真係搶鏡！牛筋更加彈牙嫩滑，每一啖都食得出佢哋炆工嘅用心。個河粉滑溜溜嘅，掂！加埋一啲青菜，爽口得嚟照顧吓下衛生。記得幫襯海記，唔好錯過呢個有滋有味嘅好地方👍。噢！仲有個魚皮，呢個必須點讚😍，魚皮既彈牙又唔會太膩，與粉麵完美搭檔，真係一個字—正！下次想試吓佢哋其他嘢，但係呢個組合已經足夠令人回味無窮。哩家海記，梗係街坊嘅心水之選！

十幾年老店估唔到差成甘，普普通通牛腩河變成牛肥膏河。冇一件食得嘅牛腩變成齋河，實在太呃錢過份了。🤬難怪生意越來越差，競爭大水準下降。不會再幫襯更不敢推薦於此店用餐🤮

The value of the food is much more than what you pay for.  The beef brisket and porkhand is a must-eat!  I wish I had taken pictures. I wasn't expecting and didn't have any expectations; I was simply passing by and found a gem in this restaurant.  Must Try!. 

以前住附近，已經成日食尋晚老公話想返去買潮州麵食，專誠過去買外賣，因為食過咁多間潮州麵，暫時佢係最好食之一老公食佢至愛既牛腩雲吞撈粗麵，牛腩仍然保持水準，肥瘦軟硬程度剛剛好，佢地湯底都好好味，唔會太咸同好重味精味而我就食左紫菜四寶，粒粒都大大粒，雲吞又係至愛，皮薄餡靚仲有值得一提既係佢地既辣椒醬，一定要加落，因為真係好惹味，所以次次都叫店員加多啲我地就比較少堂食，因為環境無乜特別，同其他潮州店一樣全部街坊價，抵！

新一年第一餐諗唔到食咩又走咗嚟海記🤪新年食下雙併，叫咗一碗牛腩牛筋河走青 $44，一碗雲吞牛腩河 $44，另外加包魚皮 $21。講下包魚皮先，上次係$11，因為係跟碗粉加，份量少d 嘅。今日係直頭叫一包，所以係貴d 但份量多d，加嘅話就俾個碗裝俾你，一包就成包放上碟等你自己開，魚皮唔會好過硬同過鹹，浸一浸個湯就食得。上次碗牛筋魚蛋河睇落好似牛筋多d，不過今日碗牛筋牛腩河我都覺得夠晒大碗，牛腩仍然係好淋，牛筋夠彈牙。平時唔多叫雲吞，但其實海記個雲吞都幾好食㗎，入面係蝦嚟，雲吞唔會煮到爛晒，大家有機會都可以試下雲吞。

比起鋸扒、意粉個d，其實更鍾意食下湯粉麵，放假同屋企人走嚟整返碗做午餐，附近最好食算係海記，起碼衛生好過出面個間🤭叫咗碗牛腩河 $35，每次都係勁多舊牛腩，多到分咗d 俾屋企人食，佢d 牛腩唔似出面有d 舖頭勁深色，又夠淋，好正，河粉又唔會碎晒爛晒咁，不過今日個湯好似淡咗d 。屋企人就食牛筋魚蛋河 $44 ，牛筋又係好多，反而魚蛋得兩粒😂😂，牛筋我都夾咗兩舊嚟食，都幾正，口感幾好。另外加咗魚皮 $11，叫咗粉麵加先係$11 ，如果單點一碟好似$20定$21，佢個魚皮一向都幾好食，平時打邊爐嘅話都會走嚟佢度買，唔會過咸，唔會一浸就淋到呀媽都唔認得。

上個星期食左牛腩粉，好好食😋之黎每次黎我都食牛腩，無試其他。今日，如常去食牛腩。入場見到好多人，那刻想走。但又真係好想食牛腩就照入去坐。今次，牛腩件數同size好明顯少左同細左，碗容量細左。感覺麻麻地。之前幾次黎都唔錯。偶然一次失準🙈之黎再黎試下會唔會好D啦😆小本經營唔容易，工作時間長，租金貴。

一直幫襯左好多年，牛腩水準依然Keep 到肥瘦適中，肉質夠淋係粉嶺唯一一間會令人想再食既牛腩河！出面好多都係太瘦太干，希望呢啲小店可以係疫情下繼續堅持到💪🏻💪🏻

我第一次遇到一間甘無禮貌既店員 我睇唔到價錢 佢叫我自己行出去睇 睇完再話比佢知然後你只要話唔買住啦甘 就會起背後同同事講 話你無心買 夠竟佢系客人定我系客人啊依家？平時叫佢比辣椒醬 佢地已經好孤寒 叫佢比多小小已經好不滿 自從啲店員態度甘差 我就無再去過食希望要有所改善 我真系唔希望再遇到啲甘無禮貌既店員如果真系唔想做生意既 甘你講比我知希望老闆多留意員工的服務態度就算幾好食都好 都大打折扣 本身都經常食 依家真系唔洗啦 食唔落

今日lunch諗唔到食咩，一於幫襯下樓下小店。海記既感覺對比起同屋苑另一家粉面乾淨啲，最仲要係樓面啲姐姐好笑容啲唔會好似另一間咁黑口黑面。叫左個原汁牛腩飯食，份量好足料，夠晒大碟。11點零鐘見到好多建造業師傅都揀左依度開餐。呀姐裝完碟飯俾我仲問我夠唔夠，如果唔夠仲可以裝多啲俾我，真係夠晒客氣。牛腩既肥瘦好均枰，唔會好似其他粉面店食牛腩既弊病，肥多過瘦。佢地既牛腩咬到落脂肪位置度仲有啲爽口，個湯汁都好濃，撈飯一流。另外一提就係佢地既辣椒油都好香口，唔會得個鹹字。埋單47蚊連埋凍飲，非常飽足

啲員工都冇心做嘢,一個推一個 外賣又要汁漏多士,等成四個字. 遲我叫外賣都快過我,一年比一年差,畀錢買難受以後都唔會再嚟食行過隔離去津苑仲好.好日都唔落嚟買,仲要等咁耐我脾氣已經好好, 已經忍住唔爆眼見遲過我入嚟堂食/叫外賣都已經食緊/走咗. 仲唔嬲咩？根本就趕客走.

第一次來到海記用餐是因為朋友話想吃海記旁邊的酸辣粉，但當時等酸辣粉的人實在太多，我們又趕時間，剛好海記當時有位，我們一行人便第一次踏入海記。剛坐下便開始左望右望看看有甚麼好吃的，見大多數人都叫牛腩河，便跟風叫叫。現時物價騰飛，很多餐廳吃一頓飯都至少要$50，海記的價錢還是挺合理的，都在$50以下。牛腩都是有肥有瘦，不會讓人感覺很乾。河粉煮得剛剛好，不會太“淋”，配上腩汁，真的很美味，難怪朋友常常對海記念念不忘，我們亦成了海記的常客。如果有像我一樣重口味的人，我非常推介海記的炸蒜，正常麵裡面就已經有蔥有蒜，但我每次都會叫多蒜，而友人更是叫多蔥多蒜，再自己拿碗去裝半碗蒜，有加炸蒜真的有比較好吃喔！

由華心商場food court 已經支持海記由商場鋪仔做到地鋪海記一直保持水準不論係牛腩或是牛肚米都是我偶然就會掛念的食物由中學開始就已經唔知食咩好就食呢一間希望一直做住！

每次一想到想食牛腩河，就會近近地落樓下食，好彩樓下有一間好好食，唔駛搭車出到去其他地方食。今次我點了一碗牛腩牛腸河以間會比好多好多蔥，佢會放落匙到比你，你可以落可以唔落，當然我一定會落，因為真係香好多，湯底係牛腩汁，好濃郁既牛腩味，牛腩香氣濃郁，好淋好淋，好入味，而且份量都算多，而牛腸洗得好乾淨，好甘香，唔會食到一口油，份量唔算多，河粉亦唔會煮到碎晒太淋，如果鐘意食辣可以加埋辣油，仲正，下次可以試下其他雲吞麵，魚蛋麵，因為每次黎食都係牛腩牛腸河。

20170320(星期一)--是日到交通銀行辦點事情，好想到海記吃粉麵，海記是我以前在這邉到過最多次的速食店，好懷念它的平靚正粉麵。又想吃墨丸米，又想吃下午茶的米線餐，又想......一個肚子只可以有一個選擇，最後點了: 牛筋河粉(走青)，一切依舊，河粉上桌速度快，牛筋炆得腍身，大大件，份量不少，吸收了腩汁的味道，好吃。河粉份量特多，當正餐也非常飽肚，宵夜來說反而會太多。凍檸茶，杯子大大，有三片厚切檸檬，味道不錯。埋單:套餐價$37，值得一試。眼見海記加價數次，但價錢還是維持在中等水平，希望它能一直經營下去，不用被同屋苑差劣的粉麵店做獨市生意。多點競爭，食客受惠。