Video
Read full review
2011-11-17
49 views
8月5日, 呀菲呀比的第119週月快快快快樂!! 距離大日子仲淨番一個月~ 日日夜夜都有九萬樣野要忙, 今晚一於要舒舒服服嘆一晚~::: 紫蘇葉芝士焗法國小號菇 ::: $58呢排食飯都喜歡懶健康咁先叫d蔬菜食下, 不過呢個焗菇其實都唔健康得去邊… 因為實在有太多濃濃膩膩叫人又愛又恨嘅芝士啦! 其實除咗小號菇同芝士外仲有厚切蕃茄兩大片同埋一大舊索滿芝士嘅軟淋淋麵包加少少沙律. 任何野其實加上芝士焗都一定係好惹味, 不過就唔係好食到紫蘇葉味~ 整體係ok不過就略嫌太油膩…::: 馬蘇里拉芝士忌廉火腿多士 ::: $38又係芝士!! 香脆厚多士放上火腿同忌廉, 仲有一層超重手兼焗得金黃嘅芝士!! 多士夠鬆化, 芝士又香口, 好好味!::: 溫泉蛋明太子墨魚意粉 ::: $78作為呢度嘅名物, 冒住爆膽固醇嘅風險都要叫嚟試! 端來的是一碟滿滿橙黃的意粉~ 上面隻溫泉蛋脆弱得吹彈可破, 但其實篤穿蛋黃後又唔係真係好流心, 半凝固嘅蛋黃質感濃杰, 撈入意粉後令醬汁質感更加creamy! 如此鮮艷嘅賣相其實味道卻偏淡, 因為用上的溫泉蛋明太子同墨魚都係無乜味嘅材料, 正好讓人慢慢品嘗各種材料嘅自然
::: 紫蘇葉芝士焗法國小號菇 ::: $58
呢排食飯都喜歡懶健康咁先叫d蔬菜食下, 不過呢個焗菇其實都唔健康得去邊… 因為實在有太多濃濃膩膩叫人又愛又恨嘅芝士啦! 其實除咗小號菇同芝士外仲有厚切蕃茄兩大片同埋一大舊索滿芝士嘅軟淋淋麵包加少少沙律. 任何野其實加上芝士焗都一定係好惹味, 不過就唔係好食到紫蘇葉味~ 整體係ok不過就略嫌太油膩…
::: 馬蘇里拉芝士忌廉火腿多士 ::: $38又係芝士!! 香脆厚多士放上火腿同忌廉, 仲有一層超重手兼焗得金黃嘅芝士!! 多士夠鬆化, 芝士又香口, 好好味!
::: 溫泉蛋明太子墨魚意粉 ::: $78作為呢度嘅名物, 冒住爆膽固醇嘅風險都要叫嚟試! 端來的是一碟滿滿橙黃的意粉~ 上面隻溫泉蛋脆弱得吹彈可破, 但其實篤穿蛋黃後又唔係真係好流心, 半凝固嘅蛋黃質感濃杰, 撈入意粉後令醬汁質感更加creamy! 如此鮮艷嘅賣相其實味道卻偏淡, 因為用上的溫泉蛋明太子同墨魚都係無乜味嘅材料, 正好讓人慢慢品嘗各種材料嘅自然味道~
::: 白朱古力曲奇沙冰 ::: $38呢杯野一嚟到賣相有型, 但係顏色真係十分唔討好喎… 又唔係白, 又唔係啡, 反而係好似泥水咁灰灰綠綠咁… 但係味道確實唔錯! 有白朱古力嘅甜, 又有沙沙地嘅曲奇碎令到杯野有質感, 一路飲都一路飲到沙冰, 真係涼透心!
::: 意式芝士咖啡 ::: $58英文係tiramisu coffee, 名副其實甜品與飲品的fusion~ 一見tiramisu就發狂嘅呀菲一定要叫! 不過與其話係tiramisu coffee, 其實中文名意式芝士咖啡更加貼切~ 因為d芝士同咖啡真係分得幾開, 又唔係好搞得埋一齊, 仲會起埋d一粒粒… 味道呢, 都係芝士還芝士咖啡還咖啡, 芝士鹹咖啡甘, 但其實又唔係好撈得埋… 都唔係好識形容…
對initial嘅衫嘅印象就係simply yet stylish~ 呢間cafe嘅感覺亦如是~ 由坐椅、menu、以至斟水嘅玻璃水樽, 全部都係簡單中見型格嘅東東. 難得嘅係好地地一間時裝店, 要轉賣食物時亦有不錯水準~ 環境正、食物精緻~ good!
Post
