Video
Read full review
2006-04-06
11 views
同友人慶祝生日，梗係揀個環境舒服，唔會比人趕走0既地方啦!!間餐廳係亞厘士道都唔係0甘易搵到0既地方，尤其是係夜晚。入到去有驚喜架，環境靚，d waiter 唔係匆匆忙忙，有禮貌，帶你埋位。要預左識講下英文，因為全部staff都係佢地d同鄉，或者係外國人，佢地唔明你講廣東話。見到佢有buffet, 同埋set dinnar 選擇。自問唔多識食印度野，(唔好意思，連indian cuisine name都唔太識)所以揀buffet就保險d，又可以樣樣試d嘛。坐低之後，黎左薄餅，好脆口，帶辣，我自己就加左d青綠色0既醬一齊食。個醬都係少少酸辣，有一陣青草味，岩我。加埋都幾辣，所以佢杯水就好緊要啦。跟住黎0既都係印度薄餅，不過今次係厚d，唔辣。不過我見到d油光，同埋唔太熱，所以就麻麻地岩我，試左一件就算。講真，佢個buffet唔多選擇。Total加埋都係得十幾樣，熱盤有十個，款式少。比較難忘d係一個煎魚肉伴印式汁，唔辣，幾好味。由於用雪魚，一定唔係鮮0個隻。有一味係咖哩羊肉，有少少羶咪，幾淋，幾好食。不過都係驚肥，試左一件。Best item係一樣我食左好多；但搥晒心口0既一樣比vegeta
間餐廳係亞厘士道都唔係0甘易搵到0既地方，尤其是係夜晚。
入到去有驚喜架，環境靚，d waiter 唔係匆匆忙忙，有禮貌，帶你埋位。要預左識講下英文，因為全部staff都係佢地d同鄉，或者係外國人，佢地唔明你講廣東話。
見到佢有buffet, 同埋set dinnar 選擇。自問唔多識食印度野，(唔好意思，連indian cuisine name都唔太識)所以揀buffet就保險d，又可以樣樣試d嘛。坐低之後，黎左薄餅，好脆口，帶辣，我自己就加左d青綠色0既醬一齊食。個醬都係少少酸辣，有一陣青草味，岩我。加埋都幾辣，所以佢杯水就好緊要啦。跟住黎0既都係印度薄餅，不過今次係厚d，唔辣。不過我見到d油光，同埋唔太熱，所以就麻麻地岩我，試左一件就算。
講真，佢個buffet唔多選擇。Total加埋都係得十幾樣，熱盤有十個，款式少。比較難忘d係一個煎魚肉伴印式汁，唔辣，幾好味。由於用雪魚，一定唔係鮮0個隻。有一味係咖哩羊肉，有少少羶咪，幾淋，幾好食。不過都係驚肥，試左一件。Best item係一樣我食左好多；但搥晒心口0既一樣比vegetatian 菜式。我係個盤見到入面有d好似豆腐乾0既物體。我夾左d試，覺得佢個口感真係幾好味0既豆腐乾(可「每」爛)，伴住個汁，夾左幾次。點知食左一陣唔對路。點解d味好似係奶味??(唔識睇佢印度文，真係唔知係咩野)我0既推斷係羊奶酪/芝士。天啊，仲食左唔少!!!其實佢仲有一味，個外型都幾似M記0既麥樂雞，而入面都係呢d白色物體，我同呢舊野初邂逅時都以為係炸/煎豆腐乾...。全晚，敗筆之作係兩款熱盤，而兩樣都係雞。好「孩」口，汁唔多，唔太覺佢係雞,冇雞味就一定，唔好食。另一款係係有多d汁，較易入口，不過都係麻麻。印式0既甜品就真係唔岩我，勁甜0既椰汁糕，甜得厲害!!!有一種似布甸甜品，睇起黎似黃色飯，落左椰汁味，食多啖都會滯~~
個場有Indian live band。可能我地張檯離得遠，佢一路唱我同友人都可以傾計，feel comfortable，沙發都好好坐。不過，檯與檯之間都幾埋，要好小心碰到隔離檯0既野啦。至開心0既係由坐低到佢buffet完,差唔多2個幾鐘，我地都傾/食得舒服，冇人趕我地。係其他等位餐廳，邊由你坐成晚??
Post