Video
Read full review
2006-06-28
7 views
我公司包場呢度搞左個function,佢有set menu供應,我地揀左一個每位350蚊另加一既set,有四個course,菜色如下:- Salmon Pastrami with Mustard Sauce and Rocket Salad- Truffled Cauliflower Soup with Roasted Cauliflower Tips- Thyme and Lemon Glazed ‘Barbary’-Quality Duck Breast Potato Terrine and Dark Raspberry Sauce或Sauted Fillet of Pike Perch Tomato and Vegetable Ragout and Leaf Parsley Foam- Terrine of Fruits and Berries Seasoned with Arctic Brambleberry Liquer, Wild berry Sorbet未上菜先上包,有好多選擇,如果無記錯應該係有四款,當中當然包括法包,做得好脆,塗牛油好好味,佢既牛油又好味,令人食唔停口
- Salmon Pastrami with Mustard Sauce and Rocket Salad
- Truffled Cauliflower Soup with Roasted Cauliflower Tips
- Thyme and Lemon Glazed ‘Barbary’-Quality Duck Breast Potato Terrine and Dark Raspberry Sauce或Sauted Fillet of Pike Perch Tomato and Vegetable Ragout and Leaf Parsley Foam
- Terrine of Fruits and Berries Seasoned with Arctic Brambleberry Liquer, Wild berry Sorbet
未上菜先上包,有好多選擇,如果無記錯應該係有四款,當中當然包括法包,做得好脆,塗牛油好好味,佢既牛油又好味,令人食唔停口!仲有一款似餅多過似包,可以就咁食,好似薄脆咁,有少少麥味,又係好好食!而佢另一款麥包都好夠麥,真係好唔錯!
沙律係三文魚沙律,個魚做得好靚好特別,係一個卷咁樣,就咁食d菜就麻麻,有少少酸酸地既味,但係原來配左芥末醬係有化學作用既竟然好好味!
個湯係好香,但真係異常creamy,好係忌廉!飲完都飽左幾成!唔得!(我唔意佢太cream)
主菜二選一,我選左魚,食落覺得好正呀!清清地,有個紅汁底,連一粒粒既配菜都好好味而又有色彩(有黃有紅有綠又有橙,好鬼靚!)塊魚不油不膩,食完一d都唔頂肚,一d腥味都無,總之好正啦!問過食鴨胸既同事,佢地話唔得喎,好,幾乎切唔到,佢地大都後悔揀鴨胸,話早知揀魚喎!
個甜品怪怪咁,有一大片似喱物體但係內有好多什果同什莓,一般啦!另有一小舊笡紅色雪芭,個樣/色有點兒恐怖,但食落又好以ok過個喱喎!不過都係覺得怪怪咁,我寧願食雪糕咯!呵呵呵!
Post