Savor Kitchen

Open Now

Now Closed

永光中心已經係我食飯list top rank，餐廳高質價錢平呢。好似今晚食fine dining，價錢唔過$300/人，就是抵～我地兩個人，剛好可以食哂成個餐嘅options。前菜之一，好考刀功嘅日本章紅生魚薄片，source係由檸檬皮、九層塔，芫茜油、意大利白醋、初榨橄欖油調成，食落香滑同鮮味。另一款前菜係手拆藍蟹肉多士，爆多蟹肉同用龍蝦蛋黃醬、檸檬等等調嘅醬汁，超滿足！對我黎講呢個餐抵食在，可以講係包左兩個主菜，一個係Spaghetti ，一個係肉。香蒜意粉隻隻蜆都肥美juicy，白酒煮加少少蒜、香辣嘅意粉爽身又好味～另一個粉嘅青醬加左Blue cheese，有啲creamy，所以掛汁好好，炭燒三黃雞胸亦唔算「孩」，有香炭燒味。兩種肉上檯竟然有藝術感，個source講究，用法蔥、檸檬果茸、西洋菜汁調，顏色鮮豔亦好配襯三文魚柳。由第一道菜開始就期待。一如預期，炭燒西冷好juicy好香炭火味，薯蓉香滑嘅～到上甜品，無諗過$298餐可以有咁大件Tiramisu，超預期，好濃郁嘅濕潤咖啡酒同香滑芝士味。新開暫時唔係太多人知呢間秘竇，唔迫人，會encore。