L'AMOUR

一訪大埔就係為左欣賞e間出左名擺盆好精美既餐廳😌餐廳裝修好有格調，紅絲絨既sofa坐椅，配埋大大朵紅玫瑰🌹，仲有一整幅高身既酒櫃，盡顯餐廳既氣派👍🏻🔸焦糖法式燉鵝肝將鵝肝打成蓉，以焦糖燉蛋形式呈上，焦糖燒得香脆但食落質感濃郁帶有鵝肝既香味，配搭烤焗而成嘅花形麵包，視覺感觀上無咁單調，麵包再配埋鵝肝蓉一齊食減低左飽膩感🔸北海道帶子刺身沙律擺盤好有設計，刺身級的帶子及魚子答配沙律菜，每一啖都有帶子既鮮甜同魚子既魚香🔸是日餐湯(蘑菇忌廉湯)每一啖都飲到蘑菇粒粒，蘑味濃郁🔸蝶豆花木魚清湯.鯛魚刺身鯛魚刺身係紫色既蝶豆花木魚清湯游走，視覺上已經令我對佢著迷，木魚湯成為e道菜既主角🔸法式西鰽鱸. 椰菜花蓉.紅腰豆西鰽鱸外皮金黃，咬落非常脆口，肉身嫩滑仍然保留到水份，椰菜花蓉特別比較少見，味道清新🔸美女與野獸靈感來自美女與野獸既玫瑰花，用蓮蓉塑造成花形再包裹軟心朱古力，單憑想像覺得佢地會唔夾，點知食落有驚喜🔸 Puppy love打卡一流既cocktail，以蘋果汁為基底，加入少少酒調製，🔸 Thousand菠蘿汁加soda，酸酸甜甜餐廳既私隱到極高 佢地既門面用左磨砂 要按門鈴 玻璃就會即刻變透明