Video
Read full review
2021-06-20
6452 views
好多時如果去食fine-dining, 都會係法國呀,意大利呀,西班牙等等大路野,而 mono偏偏係主打冷門嘅南美洲fine-dining, 而且更係獲得Asia’s 50 best restuarants 當中嘅No.44!jiagroup 旗下,餐廳由南美委內瑞拉🇻🇪主廚Ricardo Chaneton經營, 將佢係南美家鄉日常接觸到嘅食材,透過法式嘅fine-dining烹飪手法呈現係食客眼前,係度除左係食course-meal之外,更係好似上左一課南美食材‘course’因為每一款菜式上碟嘅時候,餐廳都會將其食材展現係你面前並詳細講解,而每款食材都係嚟自拉丁美洲,都係第一次見識,款款都真係聞所未聞..是次叫了6-course dinner前菜首先係一啲蔬菜類, Mashua係指塊莖金蓮花,者係圖中個盤野,分佈在安第斯山脈⛰️(Andes)嘅周邊地區,當地人係會取代薯仔作為主食,而食落口感清爽,少少似山藥,配以貝類海鮮同酸酸地嘅汁幾開胃前兩者分別係原種番茄同樹番茄,形狀同我地平時見到嘅番茄🍅好唔同,乃原產於秘魯🇵🇪,智利🇨🇱等Andes地區,問過chef 佢地係會用佢地嘅汁(因為如
好多時如果去食fine-dining, 都會係法國呀,意大利呀,西班牙等等大路野,而 mono偏偏係主打冷門嘅南美洲fine-dining, 而且更係獲得Asia’s 50 best restuarants 當中嘅No.44!jiagroup 旗下,餐廳由南美委內瑞拉🇻🇪主廚Ricardo Chaneton經營, 將佢係南美家鄉日常接觸到嘅食材,透過法式嘅fine-dining烹飪手法呈現係食客眼前,係度除左係食course-meal之外,更係好似上左一課南美食材‘course’因為每一款菜式上碟嘅時候,餐廳都會將其食材展現係你面前並詳細講解,而每款食材都係嚟自拉丁美洲,都係第一次見識,款款都真係聞所未聞.
.
93 views
1 likes
0 comments
是次叫了6-course dinner
[Shellfish/Recado negro/Mashua]前菜首先係一啲蔬菜類, Mashua係指塊莖金蓮花,者係圖中個盤野,分佈在安第斯山脈⛰️(Andes)嘅周邊地區,當地人係會取代薯仔作為主食,而食落口感清爽,少少似山藥,配以貝類海鮮同酸酸地嘅汁幾開胃
90 views
0 likes
0 comments
[Heirloom tomato/Tamarrillo/avocado]前兩者分別係原種番茄同樹番茄,形狀同我地平時見到嘅番茄🍅好唔同,乃原產於秘魯🇵🇪,智利🇨🇱等Andes地區,問過chef 佢地係會用佢地嘅汁(因為如果食落會太酸)配以另外番茄仔,牛油果食用,非常refreshing.
.
84 views
0 likes
0 comments
[Sourdough with olive oli]係主菜上來之前會先上餐廳自家製嘅酸種麵包,而據說餐廳唔一開始就俾麵包係希望令客人更仔細品嘗,更可以當係其中一款side dish, 餐廳嘅發酵酸種(Masa Madre)都會隨每日日子增加,有個牌子顯示個日係已經第639日😲麵包上來時仲係出緊煙,咬落口非常鬆軟而又實在,配以欖欖油使食落口感更綿滑👍🏻認真係暫時食過最正嘅麵包😭🤩
.
33 views
0 likes
0 comments
[Callos anticucho/Chicarron/Hallaquitas] Chicarron係炸五花肉,源於西班牙而其後流行於南美等地,而Hallaquitas乃委內瑞拉嘅一種傳統烹飪手法,利用粟米皮將肉包住然後落鑊炸,下底襯托以類似薯仔嘅口感,配以獨有醬汁,味道會較濃.
69 views
0 likes
0 comments
終於進入主菜,首先係魚類[Brittany monkfish/ Oca/ Pipian verde]
店員先奉上乾式熟成嘅monkfish-鮟鱇魚,如果你上網search,你可能會被呢條魚嘅原貌嚇親🤣擁有像惡魔般嘅外貌卻係帶著非常高嘅營養價值同埋非常美味！肉質呈珍珠白色,鮮嫩而實在.
而配菜亦不簡單,用上Oca - 一種源於🇵🇪秘魯高山嘅根莖植物,當地原住民當為主食,入口甘甜,質感似蕃薯,而調味醬乃用上墨西哥🇲🇽傳統混醬之一Pipian verde(用上南瓜籽,墨西哥青辣椒同墨西哥番茄)入口酸酸帶少許微辣.
.
51 views
0 likes
0 comments
🌟到了招牌[Racan Pigeon]鴿肉煮至medium rare only, 上碟時候仲以為係和牛般咁細嫩🤣而入口肉質真係即溶而因為係鴿肉所以脂肪唔會好多味道比起和牛相對地冇咁霸道恰到好處, 而旁邊配以嘅紅色/黑色墨西哥混醬-Mole 亦係經過多種功夫製成.
.
而當然配菜都係用上平時都唔會食到嘅南美食材- Jicama, 中文又名豆薯,食落都係甘甜爽脆味道似馬蹄, 而最後Chef 會係碟上面用上阿根廷🇦🇷青醬- Chimmichuri 簽個令名,令成道菜畫龍點睛,由用料,賣相,味道,都幾乎完美💯✨
46 views
0 likes
0 comments
.
39 views
0 likes
0 comments
🌟甜品可謂今餐最難忘體驗,餐廳嘅朱古力甜品係直頭由原個可可豆製成,
朱古力最初嘅原貌就係咁！原個可可豆擺係你面前,而且你可以試🤩, 店員非常詳細地講解可可豆烘焙嘅唔同階段,最後成為了我地成日食嘅朱古力🍫
至於白色原粒可可豆係咩味…係冇咩味🤣微酸,咬落中間有啲硬殼感..咁大個仔第一次食到,而相信香港只有食依間餐廳係可以俾到你最原始食‘朱古力’嘅體驗🤣
製成品賣相相當富美感,朱古力mousse配上迷迭香雪糕加意大利欖欖油,面頭係一層朱古力脆脆,多種層次嘅口感,而朱古力造成非常幼細,甜而不溜👍🏻👍🏻
33 views
0 likes
0 comments
Overall 整個晚餐嘅體驗非常唔錯,無論係食材嘅運用,質素同服務,特別欣賞佢地嘅表達手法,讓人重新認識拉丁美洲嘅食材同文化,雖然佢暫時未獲米芝蓮星級餐廳系列,但相信好多食過嘅朋友都會將佢列入心目中嘅🌟級餐廳之一👍🏻
Post
