棋子燒鵝 (Closed)

星期六去咗德福廣場行下買嘢，中午去左新開的food court食飯，見到棋子燒鵝d燒味好似好靚，忍唔住要食返個燒味飯。招牌燒鵝脾飯$103未食都聞到陣陣煙薰的香氣，荔枝木煙薰出嚟的燒鵝皮脆肉嫩，鵝脾肥美，仲有煙薰的幽香，沾上酸梅醬更加可以中和油膩感。燒味汁撈飯味道一流，真係一大碟飯都食得晒。乳豬拼油雞脾飯$75乳豬皮燒得脆卜卜，肥膏唔厚，肉質嫩，沾上乳豬醬，好滋味。油雞加左$10轉雞脾，雞皮爽滑，肉質鮮嫩juicy，有雞汁油香，沾上薑蓉食雞加撈飯，又係好開胃。食左咁多肉，我地仲加左$20要碟油菜，感覺健康d😝