DK1885 (Closed)

今日男友黎接放工, 都係揀返係灣仔食飯, 同事介紹過呢間越南嘢都幾好食，於是就入去試下~ 店鋪裝修都幾有越特色~ 用左D漁夫帽去做燈罩, 又有D結他放喺牆上面, 而且都坐得好舒服!我地唔算太過肚餓, 於是叫左三個小食, 一碗湯粉~ 先黎個海防手工墨魚餅, 墨魚餅上枱時熱杗辣辣, 睇起上黎唔算好油，而且咬落好彈牙, 証明係真正全墨魚滑做既, 因為一般出面好多會加埋肥豬肉, 而呢度做一D都唔覺有肥肉, 加埋佢秘製嘅辣汁感覺都好FRESH~ 之後黎個香草野菜燒牛柳沙律, 燒牛柳咬落好有牛香味, 煎得剛剛好而且口感嫩滑, 好啱我地胃口呀~ 另外再黎多個小食, 香辣香茅爆炒雞腎, 全個菜都好香, 一D都唔似越南菜, 唔算好辣又易入口, 雞腎細細粒好爽口~ 其實呢個菜好適合送酒~ 最後就係北正宗牛肉湯河, 入面有齊牛肉牛丸牛腩同牛肚, 牛肉好淋好有牛肉味, 牛肚好爽口, 而牛丸係咬落有肉汁個D, 好Juicy, 湯底有牛味亦都好清, 諗緊下次想試埋佢地個蟹肉金邊粉先